پی ایم مودی کے طیارہ کو پاکستانی حدود سے نہیں گزرنے دینے کا معاملہ ’آئی سی اے او‘ پہنچا

پاکستان کو فضائی حدود کے استعمال کی بین الاقوامی روایت کو نہ ماننے کے فیصلہ پر غورکرنا چاہیے اورکوئی بھی یکطرفہ فیصلہ کرنے کے لیےجھوٹے بیان کا سہارا لینےکی اپنی پرانی عادت کے بارے میں بھی سوچنا چاہیے

تصویر سوشل میڈیا
تصویر سوشل میڈیا
user

یو این آئی

مونٹریال: ہندستان نے سعودی عرب کے دورے کےلیے وزیراعظم نریندرمودی کے طیارے کو پاکستان کی فضائی حدوداستعمال کرنے کی درخواست اس کے ذریعہ مسترکردیئے جانے کےبعد اس مسئلہ کو بین الاقوامی شہری ہوابازی کی تنظیم (آئی سی اے او)میں اٹھایاہے ۔

ذرائع کے مطابق آئی سی اے او کے ذریعہ طے شدہ ہدایات کے مطابق دیگر ملکوں کے ذریعہ اوورفلائٹ کلیئرنس کی درخواست کی جاتی ہے اور انھیں اس کی منظوری دی جاتی ہے ۔ذرائع نے کہاکہ ’’ ہندستان اوور فلائٹ کلیئرنس کا اپنا مطالبہ جاری رکھے گا ۔ہم نے الگ سے بھی اس مسئلہ کو اٹھاتے ہوئے دیگر بین الاقوامی شہری ہوابازی کےاداروں کے سامنے رکھاہے ۔پاکستان کو فضائی حدود کے استعمال کی بین الاقوامی روایت کو نہ ماننے کے اپنے فیصلہ پر غورکرنا چاہیے اور کوئی بھی یکطرفہ فیصلہ کرنے کے لیے جھوٹے بیان کاسہارا لینے کی اپنی پرانی عادت کے بارے میں بھی سوچنا چاہیے ۔‘‘


پاکستانی میڈیا میں خبروں کے مطابق پاکستان کے وزیرخارجہ شاہ محمود قریشی نے اتوار کو کہاکہ پاکستان نے ہندستان کی وہ درخواست نامنظور کردی ہے جس میں ہندستانی وزیراعظم کی سعودی عرب دورے کے لیے ان کے طیارے کو پاکستانی فضائی حدود سے گزرنے کی اجازت دینے کی درخواست کی تھی ۔وزارت خارجہ کی طرف سے جاری بیان میں کہاگیاتھا کہ یہ فیصلہ جموں و کشمیر میں ہندستانی سلامتی دستوں کے ذریعہ حقوق انسانی کی خلاف ورزیوں اور پاکستان کے یوم سیاہ منانے کے تئیں یکجہتی کی وجہ سے کیاگیاہے ۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔