کورونا کا خوف،31 جنوری 2022 تک بین الاقوامی پروازوں پر پابندی

شہری ہوابازی کی وزارت نے 26 نومبر کو 15 دسمبر سے باقاعدہ بین الاقوامی پروازیں دوبارہ شروع کرنے کا اعلان کیا تھا، لیکن اب اسے تبدیل کر دیا ہے۔

علامتی فائل تصویر آئی اے این ایس
علامتی فائل تصویر آئی اے این ایس
user

یو این آئی

ڈائریکٹوریٹ جنرل آف سول ایوی ایشن (ڈی جی سی اے) نے جمعرات کو اومیکرون ویرینٹ کے خطرے کے پیش نظر طے شدہ کمرشل بین الاقوامی پروازوں پر پابندی کو 31 جنوری 2022 تک بڑھا دیا۔

ڈی جی سی اے نے کہا کہ یہ پابندی کارگو پروازوں اور ڈی جی سی اے کی طرف سے منظور شدہ پروازوں پر لاگو نہیں ہوگی۔ڈی جی سی اے نے کل یہاں جاری ایک بیان میں کہا’’تاہم، مجاز اتھارٹی کے ذریعہ منتخب روٹ پرطے شدہ بین الاقوامی پروازوں کی اجازت دی جا سکتی ہے‘‘۔


شہری ہوابازی کی وزارت نے 26 نومبر کو 15 دسمبر سے باقاعدہ بین الاقوامی پروازیں دوبارہ شروع کرنے کا اعلان کیا تھا، لیکن وزیر اعظم نریندر مودی نے اومیکرون کے پھیلاؤ کے پیش نظر وزارت کو اپنے فیصلے پر نظرثانی کرنےکا مشورہ دیاتھا۔

ڈی جی سی اے نے کووڈ وبا کے پیش نظر گزشتہ سال 23 مارچ 2020 سے طے شدہ تجارتی بین الاقوامی پروازوں پر پابندی عائد کردی تھی۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔