کرتویہ پتھ پر تینوں افواج کی جھانکی میں نظر آئے گی ’آپریشن سندور‘ کی طاقت کی جھلک

یوم جمہوریہ کے موقع پر تینوں مسلح افواج کی جھانکی میں ’آپریشن سندور‘ کی طاقت کی جھلک دکھائی دے گی۔ ’آپریشن سندور‘کے ذریعہ’ فتح‘،  تھیم پر مبنی یہ جھانکی قوم کے جدید فوجی نظریے کی ایک مؤثر اور طاقتورہونے کی عکاسی ہوگی، جو انضمام اور مقامی برتری کی جانب ایک فیصلہ کن تبدیلی کو ظاہر کرتی ہے۔ اس میں ہندوستان کی جانب سے سخت پیغام بھی دیا گیا ہے کہ فیصلہ کن، متحد اور خود انحصار فوجی طاقت کا دور آچکا ہے۔

آپریشن سندور نے آتم نربھر ہندوستان کی بڑھتی ہوئی طاقت اور ترقی یافتہ ہندوستان2047 کی جانب قوم کی غیر متزلزل پیش رفت کی عکاسی  کی ہے۔ یہ مستقبل خود انحصاری، مربوط اور مضبوط دفاعی صلاحیتوں سے عبارت ہے۔ یہ جھانکی تینوں افواج کے تال میل کی اس کہانی کو ایک متحرک اور منظم پیشکش کے ذریعہ زندہ کرتی ہے۔

جھانکی کا اگلا حصہ بحریہ کے سمندری تسلط کو ظاہر کرتا ہے، جو سمندری محاذ پر کنٹرول قائم کرتے ہوئے دشمن کو کسی بھی قسم کی کارروائی کی آزادی سے محروم کر دیتا ہے۔ اس کے بعد یہ منظر ہندوستانی فوج کے غیر متزلزل عزم میں بدل جاتا ہے، جہاں ایم 777 الٹرا لائٹ ہووٹزر توپیں درست اور متوازن نشانہ لگانے کی صلاحیت کے ساتھ دشمن کے ناپاک عزائم کو ناکارہ بناتی ہیں۔ ان کے پیچھے پہرے دار کی طرح قائم آکاش ایئر ڈیفنس سسٹم ہندوستان کی کثیرجہتی اور مربوط فضائی حفاظتی ڈھال اور ناقابلِ تسخیر فضائی سکیورٹی کو ظاہر کرتا ہے۔

ایس -400 فضائی دفاعی نظام 350 کلومیٹر کے فاصلے پر طویل ترین کارروائی کرتے ہوئے دشمن کے ’ایئر بورن ارلی وارننگ پلیٹ فارم‘ کو ناکارہ بنا دیتا ہے اور ایک واضح پیغام دیتا ہے کہ ’’ہندوستان پہلے تباہ کرتا ہے۔‘‘ آپریشن سندور کا ہر مرحلہ تینوں افواج کے اتحاد اور انضمام کی پختگی کو نمایاں کرتا ہے، جہاں تمام شعبوں سے خفیہ معلومات کا تبادلہ، اہداف کا درست انتخاب اور کم سے کم نقصان کے ساتھ مقاصد کا حصول یقینی بنایا جاتا ہے۔

برانڈ انڈیا ڈیفنس سے لیس یہ جھانکی ظاہر کرتی ہے کہ سودیشی دفاعی نظام نہ صرف دوسروں کے برابر ہیں بلکہ قیادت کر رہے ہیں۔جھانکی میں یہ بتایا گیا ہے کہ آپریشن سندور محض ایک فوجی ردعمل نہیں ہےبلکہ یہ ہندوستان کا اسٹریٹجک اعلان ہے کہ ’’اتحاد کے ذریعے فتح‘‘ اب اس کی آپریشنل پہچان اور فیصلہ کن شناخت بن چکی ہے۔