ہندوستان نے سری لنکا کے شہریوں کو ویزا جاری کرنے پر پابندی کے دعوے کو مسترد کر دیا

سری لنکا میں ہندوستانی ہائی کمیشن نے سری لنکا کے شہریوں کو ویزا جاری کرنے پر روک لگانے کے دعوؤں کو واضح طور پر مسترد کر دیا اور کہا کہ عملہ کی پوری حاضری نہ ہونے کی وجہ سے مشکلات پیش آ رہی ہیں

سری لنکا میں واقع ہندوستانی سفارت خانہ
سری لنکا میں واقع ہندوستانی سفارت خانہ
user

یو این آئی

کولمبو: سری لنکا میں ہندوستانی ہائی کمیشن نے جمعہ کو سری لنکا کے شہریوں کو ویزا جاری کرنے پر روک لگانے کے دعوؤں کو واضح طور پر مسترد کرتے ہوئے کہا کہ ان کے ویزا ونگ کے عملے کے دفتر میں حاضری سے قاصر ہونے کی وجہ سے آپریشنل مشکلات آ رہی ہیں۔

ہائی کمیشن نے ایک ٹویٹ میں کہاکہ ہائی کمیشن واضح طور پر اس بات کی تردید کرتا ہے کہ اس نے یا سری لنکا میں ہندوستان کے قونصلیٹ جنرل یا اسسٹنٹ ہائی کمیشن نے ویزا جاری کرنا بند کر دیا ہے۔ انہوں نے کہا کہ ملازمین اپنے کام کو جلد معمول پر لانے کی پوری کوشش کر رہے ہیں۔


سفارت خانے نے کہاکہ گزشتہ کچھ دنوں سے ہمارے ویزا ونگ کے عملے جن میں سے زیادہ تر سری لنکا کے شہری ہیں دفتر میں حاضر نہیں ہوپارہے ہیں جس کی وجہ سے مشکلات کا سامنا کر رہے ہیں۔ ہم جلد ہی اپنے کام کو معمول کی سطح پر لانے کی کوشش کر رہے ہیں۔

انہوں نے کہاکہ ہم سری لنکا کے لیے ہندوستان کا سفر آسان بنانے کے لیے پرعزم ہیں۔ سری لنکا کا ہندوستان میں خیرمقدم ہے جیسا کہ ہندوستانی سری لنکا میں ہیں۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔