یوپی کے سی ایم او اور محکمہ موسمیات کے بعد اب یو جی سی کا ٹوئٹر اکاؤنٹ ہیک

نئی دہلی: یوپی کے سی ایم اوچ اور محکمہ موسمیات کے بعد اب یو جی سی کا ٹوئٹر اکاؤنٹ ہیک ہونے کی اطلاع ملی ہے۔ یونیورسٹی گرانٹس کمیشن انڈیا کا آفیشل ٹوئٹر اکاؤنٹ ہیک کر لیا گیا ہے۔ گزشتہ دو دنوں میں یہ تیسرا بڑا ٹوئٹر اکاؤنٹ ہے جسے ہیک کیا گیا ہے۔

ہیکر نے یونیورسٹی گرانٹس کمیشن انڈیا (UGC) کے ٹوئٹر اکاؤنٹ کو اپنے کنٹرول میں لے لیا اور دنیا بھر میں بہت سے نامعلوم لوگوں کو ٹیگ کرتے ہوئے کئی غیر متعلقہ ٹوئٹس کیے۔ ۔ ہیکر نے پروفائل فوٹو کے طور پر کارٹونسٹ کی تصویر کو استعمال کیا ہے۔ @ugc_india صارف نام کے ٹوئٹر ہینڈل کے تقریباً 2,96,000 فالوورز ہیں۔ یہ اکاؤنٹ اس کی آفیشل ویب سائٹ سے بھی منسلک ہے۔