انڈیا اتحاد بی جے پی کو شکست فاش دے گا: اجے رائے

جونپور: اتر پردیش کانگریس کمیٹی کے صدر اجے رانے اتوار کو کہا کہ لوک سبھا انتخابات میں کانگریس پارٹی اتحاد میں بڑے بھائی کا کردار نبھائے گی۔ پوری مضبوطی کے ساتھ الیکشن لڑ کر بی جے پی حکومت کو اکھاڑ پھینکنے کا کام انڈیا اتحاد کرے گا۔ 20 دسمبر کو ہماری قیادت میں ضلع سہارنپور سے یوپی جوڑو پدیاترا کا آغاز ہونے جا رہی ہے۔ جس کا اختتام لکھنؤ میں ہوگا۔

رائے آج شیواپار گاؤں میں کسان کانگریس کے ریاست جنرل سکریٹری راکیش سنگھ ڈبو کے گھر پر رشتہ ازدواج میں منسلک ہوئے جوڑے کو آشیرواد دینے کے بعد میڈیا نمائندوں سے بات چیت کررہے تھے۔ رائے نے پارلیمنٹ میں ہوئے واقعہ کے بارے میں راہل گاندھی کے بیانات کو صحیح قرار دیتے ہوئے کہا کہ آج بے روزگاری، مہنگائی شباب پر ہے جس کی وجہ سے پڑھے لکھے بے روزگار نوجوانوں کو یہ قدم اٹھانا پڑا۔ یہ کوئی دہشت گرد نہیں ہیں یہ ہمارے ملک کے نوجوان ہیں۔ جنہوں نے حکومت کی توجہ اپنی جانب مبذول کرانے کے لئے ایسا قدم اٹھایا ہے۔ ان بی جے پی ایم پی پر بھی کاروائی ہونی چاہئے جس نے ان لڑکوں کا پاس بنایا تھا۔

کانگریس ریاستی صدر نے ویر بہادر سنگھ پورونچل یونیورسٹی کے دو طلبہ کے ذریعہ کی گئی خودکشی پر بھی حکومت کو گھیرتے ہوئے کہا کہ بے روزگاری کی وجہ ان بچوں نے موت کو گلے لگایا ہے۔ جونپور شہر میں سیور لائن بچھانے کے کام میں لگے مزدور کی دردناک موت پر دکھ کا اظہار کرتے ہوئے اجے رائے نے اس کام میں بدعنوانی کا الزام لگایا ہے ساتھ ہی یہ بھی الزام لگایا کہ اس بدعنوانی میں مقامی وزیر بھی شامل ہیں۔