تین طلاق دینے والے شوہر سمیت پانچ کے خلاف مقدمہ درج

شوہر نے26 ستمبر کو بیٹے کی خواہش پوری کرنے میں ناکام رہنے پر بیوی کو طلاق ، طلاق ، طلاق کہہ کر گھر سے نکال دیا اور دھمکی دی کہ اگر وہ دوبارہ واپس آئی تو اسے جان سے مار دے گا۔

علامتی تصویر سوشل میڈیا بشکریہ نیوزڈ
علامتی تصویر سوشل میڈیا بشکریہ نیوزڈ
user

یو این آئی

اترپردیش میں ضلع اوریا کے آیانہ علاقے میں بیٹے کی چاہت پوری نہ ہونے پر بیوی کو تین طلاق دینے والے شوہر سمیت پانچ سسرالیوں کے خلاف مقدمہ درج کیا گیاہے۔

پولس ذرائع نے اتوار کے روز بتایا کہ سینگپور کی رہنے والی متاثرہ سونی نے تھانے میں اپنی شکایت میں بتایا کہ اس کی شادی افضال سے سن 2016 میں ہوئی تھی۔ جس کے بعد اس کی دو بیٹیاں پیدا ہوئی ہیں۔ پچھلے نو ماہ سے وہ اپنے شوہر کے ساتھ ضلع اٹاوہ کے قصبہ بیکور میں کرائے کے مکان میں مقیم تھی۔

متاثرہ خاتون نے بتایا کہ اس کا شوہر چھٹی کرنے کے بہانے 15 دن پہلے اس کو سینگ پور لے آیا تھا، جہاں اس کےسسر اکرام ، ساس نسرین ، دیورعمر ایوب، نند سہیلہ نے بیٹا نہ ہونے کا طنز دینا شروع کیا۔اس کی وجہ سے اس کے شوہر نے26 ستمبر کو بیٹے کی خواہش پوری کرنے میں ناکام رہنے پر اسے طلاق ، طلاق ، طلاق کہہ کر گھر سے نکال دیا اور دھمکی دی کہ اگر وہ دوبارہ واپس آئی تو اسے جان سے مار دے گا۔

متاثرہ خاتون اپنی دو بیٹیوں کے ساتھ اپنے آبائی شہر خان پور لوٹ آئی جہاں سے وہ سسرالیوں کے خلاف مقدمہ درج کرنے آئی ہے۔ پولس نے تحریر کی بنیاد پر مقدمہ درج کرکے تفتیش شروع کردی ہے۔

next