بہار میں طوفان اور بارش سے فصلوں کو نقصان، جائزہ لینے کی ہدایات

بھاگلپور کے افسر زراعت کے کے جھا نے بتایا کہ آم کی فصل کو نقصان پہنچا ہے۔ انہوں نے کہا کہ اس بار پیڑوں میں بور بھی کم آئے ہیں اور طوفان کے باعث بڑی تعداد میں پھل گرنے کی اطلاعات ہیں۔

تصویر آئی اے این ایس
تصویر آئی اے این ایس
user

قومی آوازبیورو

پٹنہ: بہار میں مختلف اضلاع میں بارش اور ژالہ باری سے فصلوں، پھلوں اور سبزیوں کی کاشت کو شدید نقصان پہنچا ہے۔ حکومت نے نقصان کا تخمینہ لگانے کا حکم جاری کر دیا ہے۔ بہار کے وزیر اعلیٰ نتیش کمار نے فصلوں اور مکانات کے نقصان کا جائزہ لینے کے بعد اہل خانہ کو امداد فراہم کرنے کی بھی ہدایات دی ہیں۔

بھاگلپور کے افسر زراعت کے کے جھا نے بتایا کہ آم کی فصل کو نقصان پہنچا ہے۔ انہوں نے کہا کہ اس بار پیڑوں میں بور بھی کم آئے ہیں اور طوفان کے باعث بڑی تعداد میں پھل گرنے کی اطلاعات ہیں، جس کی وجہ سے کسانوں کو نقصان کا خدشہ ہے۔


اس نے بتایا کہ مکئی کی فصل پک چکی ہے۔ اگر مکئی کا پودا کھیتوں میں گر گیا ہو، تب بھی آسانی سے توڑائی کی جا سکتی ہے۔ مکئی کے پودے بعض جگہوں پر چھوٹے ہوتے ہیں۔ چھوٹے پودوں کا طوفان میں گرنے کا امکان کم ہوتا ہے۔ اس کے باوجود بلاک ایگریکلچر آفیسر کو فصل کے نقصان کا جائزہ لینے اور رپورٹ پیش کرنے کی ہدایت دی گئی ہے۔

کٹیہار، مظفر پور میں بھی طوفان اور بارش سے کیلے، مکئی، لیچی اور آم کی فصلوں کو نقصان پہنچا ہے۔ اس دوران کئی درخت جڑوں سے اکھڑ گئے۔ کسانوں کا کہنا ہے کہ لیچی اور آم کے درختوں میں نصف پھل گر چکے ہیں۔ سمستی پور میں بھی کسانوں کو نقصان ہوا ہے۔


سیتامڑھی، چمپارن، سمستی پور، بھاگلپور، مظفر پور، شیوہر، دربھنگہ وغیرہ اضلاع کے کسانوں نے محکمہ زراعت کو نقصان کی اطلاع دی ہے۔ کئی علاقوں میں کھیت میں لگائی گئی فصلوں کو بھی نقصان پہنچا ہے۔ کھیت میں لگائے گئے سبزیوں کے پودے زمین میں گر گئے ہیں۔ محکمہ زراعت کے ایک اہلکار کا کہنا ہے کہ فصلوں کے نقصان کا تخمینہ لگانے کی ہدایات دی گئی ہیں۔ کسانوں کو قواعد کے مطابق امداد فراہم کی جائے گی۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔