قومی

عالمی کپ LIVE: آسٹریلیا کی پاکستان پر 41 رنوں سے جیت

آئی سی سی عالمی کپ 2019 کا 17واں میچ آسٹریلیا اور پاکستان کے درمیان کھیلا جا رہا ہے، پاکستانی کپتان سرفراز احمد نے ٹاس جیت کر آسٹریلیا کو پہلے بلے بازی کی دعوت دی ہے۔

تصویر سوشل میڈیا
تصویر سوشل میڈیا

قومی آوازبیورو

12 Jun 2019, 10:31 PM

آسٹریلیا کی پاکستان پر 41 رنوں سے جیت

12 Jun 2019, 10:27 PM

ہار کی کگار پر پاکستان، نواں کھلاڑی آؤٹ

مشیل اسٹاک نے ایک ہی اوور میں وہاب ریاض اور محمد عامر کو آؤٹ کر کے پاکستان کو دو بڑے جھٹکے دئے اور پاکستان کو شدید مشکل میں ڈال دیا ہے۔ اب 45 اوور کے اختتام کو پاکستان کو جیت کے لئے 42 رن درکار ہیں اور ایک ہی کھلاڑی باقی رہا ہے۔ ایک سرے پر کپتان سرفراز احمد ابھی ٹکے ہوئے لیکن پھر بھی اب کوئی کرشمہ ہی پاکستان کو ہار سے بچا سکتا ہے۔

12 Jun 2019, 10:04 PM

وہاب ریاض اور سرفراز احمد کی جد و جہد جاری

پاکستان کے 7 کھلاڑی پویلین لوٹ چکے ہیں لیکن وہاب ریاض اور سرفراز احمد پوری جد و جہد کر رہے ہیں اور ٹیم کو ہدف تک پہنچانے کی کوشش کر رہے ہیں۔ آسٹریلیا کے 307 کے جواب میں پاکستان نے 252 رن بنا لئے ہیں۔ اب پاکستان کو جیت کے لئے 48 گیندوں میں 54 رن درکار ہیں۔

12 Jun 2019, 8:25 PM

پاکستان کا اسکور دو وکٹ پر 100 رن کے پار

19 اوور کے اختتام پر پاکستانی ٹیم نے مجموعی طور پر 107 رن اسکور کر لئے ہیں۔ امام الحق 38 جبکہ محمد حفیظ 33 رن بنا کر کھیل رہے ہیں۔

12 Jun 2019, 8:05 PM

پاکستان کو 56 کے اسکور پر لگا دوسرا جھٹکا، بابر اعظم 30 رن پر آؤٹ

پاکستان کو دوسرا جھٹکا لگا ہے۔ فخر الزماں کے بعد بابر اعظم بھی آؤٹ ہو گئے ہیں۔ بابر 30 رن بنا کر آؤٹ ہوئے اور انہین کولٹر نائل نے آؤٹ کیا۔

پاکستان کا اسکور فی الحال 16 اوور ختم ہونے کے بعد 76 رن ہے۔ امام الحق 29 اور محمد حفیظ 12 رن پر کھیل رہے ہیں۔ 308 کے ہدف تک پہنچے کے لئے ابھی پاکستان کو لمبا فاصلہ طے کرنا ہے۔

12 Jun 2019, 7:44 PM

وکٹ گرنے کے بعد سنبھل کر کھیل رہا پاکستان، اسکور 40/1

فخر الزماں کے صفر پر آؤٹ ہونے کے بعد امام الحق اور بابر اعظم سنبھل کر کھیل رہے ہیں۔ بابر اعظم اس وقت 22 پر جبکہ امام الحق 18 کے نجی اسکور پر ہیں اور 308 رنوں کے ہدف کے تعاقب کے لئے پاکستان کی جد و جہد جاری ہے۔

12 Jun 2019, 7:24 PM

پاکستان کی خراب شروعات، فخر صفر پر آؤٹ

آسٹریلیا کی طرف سے دئے گئے 308 رنوں کے ہدف کا تعاقب کرنے کے لئے اتری پاکستانی ٹیم کو تیسرے ہی اوور میں 2 کے مجموعی اسکور پر جھٹکا لگ گیا۔ فخر الزمان صفر پر باؤنڈری کے نزدیک کین رچرڈسن کے ہاتھوں لپکے گئے۔ ان کا وکٹ پیٹ کمنس نے حاصل کیا۔

فی الحال 4 اوور ختم ہونے کے بعد پاکستان کا اسکور ایک وکٹ کے نقصان پر 10 رن ہے۔ میدان پر امام 5 رن بنا کر اور بابر 4 رن بنا کر کھیل رہے ہیں۔

12 Jun 2019, 6:43 PM

آسٹریلیا 307 پر آل آؤٹ، محمد عامر نے لئے 5 وکٹ

سلامی بلے بازوں کپتان ایرون فنچ (82) اور ڈیوڈ وارنر (107) کی دھماکہ دار بلے بازی کے بل پر بہترین شروعات حاصل کرنے کے بعد ایک بہت بڑے اسکور کی طرف گامزن آسٹریلیا کی ٹیم کو آخری اووروں میں پاکستان کی ٹیم محمد عامر (5 وکٹ) کی شاندار گیند بازی کے بعد کسی طرح قابو کرنے میں کامیاب رہی اور آسٹریلیا کی پوری ٹیم 49 اوور میں 307 رن بنا کر آل آؤٹ ہو گئی۔

عالمی کپ LIVE: آسٹریلیا کی پاکستان پر 41 رنوں سے جیت

پاکستان کے لئے محمد عامر نے پانچ، شاہین آفریدی نے دو، حسن علی، وہاب ریاض اور محمد حفیظ نے ایک ایک وکٹ حاصل کیا۔

پاکستان کو جیتنے کے لئے 308 رنوں کا ہدف حاصل ہوا ہے حالانکہ یہ اسکور بھی کچھ کم نہیں ہے۔ اب پاکستان کی ٹیم کو اگر جیت حاصل کرنی ہے تو اس کے بلے بازوں کو بہترین بلے بازی کا مظاہرہ کرنا ہوگا۔

12 Jun 2019, 6:31 PM

آسٹریلیا کا آٹھواں کھلاڑی 302 کے اسکور پر آؤٹ

پیٹ کمنس کے طور پر آسٹریلیا کا آٹھواں کھلاڑی آؤٹ ہوا۔ فی الحال 48 اوور کے بعد آسٹریلیا کا اسکور 302 رن ہے۔

محمد عامر ابھی تک سب سے زیادہ 3 کھلاڑیوں کو آؤٹ کیا ہے۔ اس کے علاوہ شاہین آفریدی نے دو جبکہ محمد حفیظ، حسن علی اور وہاب ریاض نے ایک ایک کھلاڑی کو پویلین بھیجا۔

12 Jun 2019, 6:03 PM

عامر نے پاکستان کو دلائی پانچویں کامیابی، آسٹریلیا کا اسکور 275 رن

محمد عامر نے پاکستان کو پانچویں کامیابی دلائی۔ انہوں نے عثمان خواجہ کو عثمان خواجہ کو وہاب ریاض کے ہاتھوں کیچ کراکر پویلین کا راستہ دکھایا۔ خواجہ نے 18 رنوں کا تعاون دیا۔

آسٹریلیا کی ٹیم فی الحال 43 اوور ختم ہونے کے بعد 178 کے اسکور پر کھیل رہی ہے اور 5 کھلاڑی آؤٹ ہونے کے باوجود ایک بڑے اسکور کی جانب گامزن ہے۔

12 Jun 2019, 5:49 PM

آفریدی کا دوسرا وکٹ، آسٹریلیا کا اسکور 242/4

شاہین آفریدی نے پاکستان کو دوسری کامیابی دلائی اور چوتھے بلے باز کے طور پر سنچری بنا کر کھیل رہے ڈیوڈ وارنر کو امام الحق کے ہاتھوں کیچ آؤٹ کرا دیا۔ وارنر نے 107 رنوں کا تعاون کیا۔

فی الحال 39 اووروں کے اختتام کے بعد آسٹریلیا کا اسکور 4 وکٹ کے نقصان پر 247 رن ہے۔ میدان پر مارش 9 اور خواجہ 2 رن بنا کر کھیل رہے ہیں۔

12 Jun 2019, 5:38 PM

آفریدی نے پاکستان کو دلائی تیسری کامیابی، میکسویل 20 رن پر آؤٹ

شاہین آفریدی نے پاکستان کو تیسری کامیابی دلائی۔ انہوں نے میکسویل کو 20 کے نجی اسکور پر بولڈ آؤٹ کیا۔ فی الحال 36 اوور کا کھیل مکمل ہو چکا ہے اور آسٹریلیا کا اسکور 235/2 ہے۔

ڈیوڈ وارنر نے شاندار سنچری مکمل کر لی ہے، انہوں نے 105 گیندوں میں 104 رن اسکور کئے ہیں۔ پاکستان کی طرف سے محمد عامر، محمد حفیظ اور شاہین آفریدی نے ایک ایک وکٹ حاصل کیا ہے۔

12 Jun 2019, 5:10 PM

پاکستان کو دوسری کامیابی، اسمتھ 10 رن بنا کر آؤٹ

کپتان ایرون فنچ کے آؤٹ ہونے کے بعد میدان پر پہنچے اسٹیو اسمتھ 10 رن کے اسکور پر آؤٹ ہو گئے ہیں۔ ان کو محمد حفیظ کی گیند پر آصف علی نے لپکا۔

فی الحال 29 اوور کا کھیل ہونے کے بعد آسٹریلیا کا اسکور 190/2 ہے۔ ڈیوڈ وارنر 82 کے نجی اسکور پر کھیل رہے ہیں جبکہ میکس ویل نئے بلے باز کے طور پر میدان میں پہنچے ہیں۔

12 Jun 2019, 4:40 PM

عالمی کپ: پاکستان کو پہلی کامیابی، فنچ 82 رن بناکر آؤٹ

محمد عامر نے آخرکار آسٹریلیا کی سلامی جوڑی کو توڑنے میں کامیاب ہو گئے ہیں۔ انہوں نے آسٹریلیا کے کپتان ایرون فنچ کو 82 کے نجی اسکور پر محمد حفیظ کے ہاتھوں کیچ کرایا۔ فنچ کے آؤٹ ہونے کے بعد اسٹیو اسمتھ نئے بلے باز کے طور پر میدان میں پہنچے ہیں۔ آسٹریلیا کے دوسرے سلامی بلے باز ڈیوڈ ورنر نصف سنچری (51 رن) بنا کر کھیل رہے ہیں۔

فی الحال پاکستان کی طرف سے 23 اوور پھینکے جا چکے ہیں اور آسٹریلیا نے ایک وکٹ کے نقصان پر 149 رن بنائے ہیں۔

12 Jun 2019, 4:10 PM

پاکستان کے خلاف آسٹریلیا کی بہترین شروعات، 16 اوور بعد اسکور 91/0

پاکستان کے خلاف کھیلتے ہوئے آسٹریلیا نے سلامی بلے بازوں نے اپنی ٹیم کو بہترین شروعات دیتے ہوئے 16 اوور کے بعد 91 رن بنا لئے ہیں۔ کپتان فنچ 44 رن جبکہ ڈیوڈ وارنر 38 رن بنا کر کھیل رہے ہیں۔

12 Jun 2019, 3:46 PM

پہلے بلے بازی کرتے ہوئے آسٹریلیا کا اسکور بغیر کسی نقصان کے 56 رن

پاکستان سے ٹاس ہار کر پہلے بلے بازی کرتے ہوئے آسٹریلیا نے 10 اوورں کے بعد 56 رن بنا لئے ہیں اور اس کا کوئی کھلاڑی آؤٹ نہیں ہوا ہے۔ سلامی بلے 22 رن پر جبکہ ڈیوڈ وارنر 28 رن کے اسکور پر کھیل رہے ہیں۔

12 Jun 2019, 2:52 PM

عالمی کپ: پاکستان کی ٹاس جیت کر پہلے آسٹریلیا کو بلے بازی کی دعوت

آئی سی سی عالمی کپ 2019 کا 17واں میچ آسٹریلیا اور پاکستان کے درمیان کھیلا جا رہا ہے، پاکستانی کپتان سرفراز احمد نے ٹاس جیت کر آسٹریلیا کو پہلے بلے بازی کی دعوت دی ہے۔ آسٹریلیا کے سلامی بلے باز اور کپتان ایرون فنچ اور ڈیوڈ وارنر بلے بازی کے لئے میدان پر پہنچے ہیں۔

دونوں ٹیمیں اس طرح ہیں:

پاکستان: فخر الزماں، امام الحق، بابر اعظم، محمد حفیظ، سرفراز احمد (کپتان)، شعیب ملک، آصف علی، شاہین آفریدی، حسن علی، وہاب ریاض اور محمد عامر۔

آسٹریلیا: ایرون فنچ (کپتان)، ڈیوڈ وارنر، عثمان خواجہ، اسٹیو اسمتھ، گلین میکس ویل، شان مارش، الیکس کیری، ناتھن کالٹر نائل، پیٹ کمنس، مشیل اسٹارک اور کین رچرڈسن

12 Jun 2019, 2:52 PM

زخمی شیر کی طرح گھات لگائے بیٹھا ہے آسٹریلیا

ٹانٹن (انگلینڈ) : پانچ مرتبہ کی فاتح آسٹریلیائی کرکٹ ٹیم آج عالمی کپ 2019 کے ایک اہم میچ میں پاکستان سے مد مقابل ہے۔ ویسٹ انڈیز کے ہاتھوں پہلے میچ میں سات وکٹ سے مات کھانے کے بعد پاکستان نے بہترین انداز میں واپسی کی اور اپنے دوسرے میچ میں انگلینڈ جیسے مضبوط ٹیم کو ہرایا۔

آسٹریلیا کو گزشتہ میچ میں ہندوستان نے ہرایا تھا اور اب وہ زخمی شیر کی طرح پاکستان کے خلاف گھات لگائے بیٹھا ہے۔ پاکستان کا یہ چوتھا میچ ہے۔اس کا تیسرا میچ بارش کی وجہ سے منسوخ ہو گیا تھا، جوکہ سری لنکا کے ساتھ ہونا تھا۔ پاکستان کی کوشش رہے گی کہ وہ اسی جذبہ و جنون کے ساتھ کھیلے جس کا مظاہرہ اس نے انگلینڈ کے خلاف کیا تھا۔