مہاتما گاندھی کی ’سیوا گرام‘ میں واقع آخری رہائش گاہ کی تصویریں

مہاراشٹر کے سیواگرام میں موجود گاندھی جی کی یہ کٹی (جھونپڑی) جو ان کی آخری رہائش گاہ تھی۔ یہاں گاندھی جی مہمانوں سے ملاقات کرتے تھے۔ ملک کے بڑے بڑے رہنماؤں کے ساتھ میٹنگیں کرتے اور تحریک آزادی سے متعلق حکمت عملی تیار کرتے تھے۔

سادہ زندگی، عظیم خیال کے حامی مہاتما گاندھی لکڑی کی چارپائی پر سویا کرتے تھے۔ گدے اور بچھونے کا استعمال بھی وہ ضرورت پڑنے پر سردیوں میں ہی کیا کرتے تھے۔ سیواگرام میں موجود ان کی لکڑی کی یہ چارپائی اس بات کی تصدیق کرتی ہے کہ آج کے دور میں ایسی سادگی کا تصور کرنا بھی کتنا مشکل ہے۔

سنگ مرمر کا یہ باتھ ٹب باپو کی سوانح حیات لکھنے والے اور مشہور مصنف لوئی فشر کے لئے منگوایا گیا تھا۔ لوئی فشر سے ہندوستان کی گرمی برداشت نہیں ہوتی تھی تو باپو کے کہنے پر مشہور کاروباری گھنشیام داس بڈلا نے یہ ٹب سیواگرام بھجوایا تھا۔

باپو نے سیوا گرام میں اپنے لئے ایک دفتر بھی بنوایا تھا۔ اس دفتر میں ان کے سکریٹری مہادیو دیسائی کا استعمال کردہ ٹائپ رائٹر آج بھی رکھا ہوا ہے۔ اس ٹائپ راٹر کا استعمال راجکماری ارمت کور بھی کیا کرتی تھیں۔

گاندھی جی کی کٹی (جھونپڑی) میں اوم کا یہ نشان ان کی ایک شاگردہ میڈلن سلیڈ نے بنایا تھا، جنہیں لوگ میرا بین کے نام سے بھی جانتے تھے۔ ایک برطانوی فوجی افسر ایڈمنڈ سلیڈ کی بیٹی میڈلن نے گاندھی جی کے ساتھ کام کرنے کے لئے اپنے والد کا گھر چھوڑ دیا تھا۔

یہ کانسہ کا وہ کلش ہے جس میں گاندھی جی کی استھیاں سیواگرام لائی گئی تھیں۔ فروری 1948 میں باپو کو سیوا گرام آنا تھا، آشرم میں لوگ ان کا انتظار کر رہے تھے لیکن 31 جنوری کو ان کا قتل کر دیا گیا۔ گاندھی جی ’استھی‘ کے طور پر اس سیواگرام آشرم میں لوٹے جہاں انہوں نے اپنی زندگی کے آخری 10 سال گزارے تھے۔