ریاستیں مہاجر مزدوروں کو ضروی سہولتیں مہیا کروائیں: وزارت داخلہ

ریاستوں کوسپریم کورٹ کی ہدایات کے مطابق راحت کیمپوں میں رہنے والے مزدوروں کو ہر طرح کی سہولتیں مہیا کروانے کے لیے اقدامات کرنے چاہیئیں۔

سوشل میڈیا
سوشل میڈیا
user

یو این آئی

مرکزی حکومت نے کورونا عالمی وبا کے پیش نظر نافذ مکمل لاک ڈاؤن کے سبب پورے ملک میں مختلف راحت کیمپوں اور مراکز میں رہنے والے مہاجر مزدوروں کو ضروری سہولتیں مہیا کروانے کے لیے تمام ریاستوں اور مرکز کے زیر انتظام علاقوں کو دوبارہ ہدایات دی ہیں۔

مرکزی وزارت داخلہ نے تمام ریاستوں اور مرکزکے زیر انتظام عولاقوں کے چیف سکریٹریز کو خط لکھ کر کہا ہے کہ انھیں سپریم کورٹ کی ہدایات کے مطابق راحت کیمپوں میں رہنے والے مزدوروں کو ہر طرح کی سہولتیں مہیا کروانے کے لیے اقدامات کرنے چاہیئیں۔ خط میں یہ بھی واضح طور پر کہا گیا ہے کہ اس دوران مکمل بند سے متعلق ہدایات پر سختی سے عمل درآمد ضروری ہے۔


عدالت نے کہا کہ ان کیمپوں میں کھانہ، پینے کا پانی، صافی صفائی کے انتظامات کو یقینی بنایا جانا چاہیے۔ تربیت یافتہ صلاح کاروں اور مختلف طبقات کو بھی کیمپوں میں جا کر ان افرااد کے مسائل کے بارے میں ان سے بات کرنی چاہیے۔ عدالت نے یہ بھی کہا ہے کہ پولیس دیگر افسران کو مہاجروں کے قلبی جذبات کو سمجھتے ہوئے، ان کے ساتھ ہمدردانہ رویہ اختیار کرنا چاہیے۔ کیمپوں میں فلاح و بہبود کی سرگرمیوں کی نگرانی کے لیے رضا کاروں کو بھی تعینات کی جانا چاہیے۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔