پاکستان میں موسلا دھار بارش، کرنٹ لگنے سے چھ افراد ہلاک

کراچی: پاکستان میں سندھ صوبے کے کراچی شہر کے مختلف علاقوں میں ہفتے کی صبح سے ہونے والی موسلا دھار بارش کی وجہ سے پانی بھر گیا اور جس سے بجلی کے کچھ کھمبے اور تار پانی میں آگئے جس سے کرنٹ لگنے سے چھ افراد کی موت ہوگئی۔ اس حادثے کے بعد احتیاط کے طور پر کئی علاقوں کی بجلی سپلائی بند کردی گئی ہے۔

جیونیوز کے مطابق اتوار کو بھی موسلا دھار بارش جاری ہے جس میں سندھ صوبے کے کراچی سمیت کئی شہر بے حد متاثر ہوئے ہیں اور کراچی میں صورت حال بے حد ابتر ہے۔

محکمہ موسمیات کے مطابق سب سے زیادہ بارش 150.6 ملی میٹر کراچی کے سرجانی شہر میں ریکارڈ کی گئی ہے اور اس کے بعد گلشن حدید مین 149 ملی میٹر بارش درج کی گئی۔ ہوائی اڈے پر 126ملی میٹر اور لاندھی میں 117 ملی میٹر بارش ہوئی ہے۔

محکمہ موسمیات کے مطابق گزشتہ 24 گھنٹے کے دوران 110.7 ملی میٹر بارش ہوئی۔ بجلی کمپنی ’کے الیکٹریکل‘ نے کئی ٹوئٹ کرکے بارش کی وجہ سے بجلی سپلائی بند ہونے اور پانی بھرنے کی صورت حال کے بارے میں لوگوں کو اطلاع دی ہے۔ اس نے کہا کہ بارش کی وجہ سےجن علاقوں میں سیلاب کی صورت حال پیدا ہوگئی ہے وہاں عام لوگوں کی سیکورٹی کے پیش نظر بجلی سپلائی بند کردی گئی ہے۔ دیگر علاقوں میں مسلسل بارش اور پانی بھرنے کی وجہ سے بجلی کی سپلائی بحال کرنے میں مشکلیں پیش آرہی ہیں۔

کمپنی نے کہا، ’’مسلسل بارش اور پانی بھرنے کی وجہ سے پیدا صورت حال میں بجلی بحالی کی کوشش بری طرح متاثر ہوئی ہے۔ بجلی سپلائی متاثر ہونے سے کم از کم 120 پمپنگ اسٹیشنوں پر کام نہیں ہو رہا ہے اور جس سے جگہ جگہ پانی بھرنے کے حالات سے فی الحال نمٹنا ممکن نہیں ہے۔ محکمے نے ہفتے کو ایک ایڈوائزری جاری کرکے 36 سے 42 گھنٹے تک رک رک کربارش ہونے کی پیش گوئی ظاہر کی تھی۔