اتر پردیش میں 2 دنوں سے بھاری بارش کا سلسلہ جاری، 20 افراد کی موت

اتر پردیش میں دوسرے دن بھی مسلسل بارش ہوتی رہی۔ لگاتار بارش کی وجہ سے ریاست میں گزشتہ 24 گھنٹوں کے دوران 20 سے زیادہ لوگوں کی موت ہوگئی۔ اس کے علاوہ 30 سے زیادہ مویشیوں کے بھی مرنے کی اطلاع ہے۔

تصویر یو این آئی
تصویر یو این آئی
user

یو این آئی

لکھنؤ: اتر پردیش میں دوسرے دن بھی مسلسل بارش کی وجہ سے اس سے متعلق حادثات میں ریاست میں گزشتہ 24 گھنٹوں کے دوران 20 سے زیادہ لوگوں کی موت ہوگئی ۔اس کے علاوہ 30سے زیادہ مویشیوں کے بھی مرنے کی اطلاع ہے۔

سرکاری ذرائع نے جمعہ کو بتایا کہ ریاست میں ہو رہی بارش کی وجہ سے کئی مقامات پر حادثے پیش آئے ہیں ۔حکومت نے ضلع مجسٹریٹوں کو فورا متاثرہ لوگوں کو امداد فراہم کرنے کی ہدایات دی ہیں ۔اس کے علاوہ بلاک ڈیولپمنٹ افسران کو ہدایت دی گئی ہے کہ دیہی علاقوں میں گایوں کے لیے بنائے گئے عارضی باڑوں میں انکے چارے وغیرہ کا بندوبست کرائیں ۔بارش کی وجہ سے پانی جمع ہونے سے مویشیوں کے لیے چارے کا مسئلہ پیداہوگیاہے ۔

اتر پردیش میں 2  دنوں سے بھاری بارش کا سلسلہ جاری، 20 افراد کی موت

لکھنؤ اور آس پاس کے علاقوں میں کل صبح سے مسلسل بارش ہورہی ہے اور ابھی یہ سلسلہ جاری ہے ۔بارش کی وجہ سے ضلع مجسٹریٹ کوشل راج شرما کے حکم پر لکھنؤ میں بارہویں جماعت تک کے سبھی اسکول آج بندہیں ۔پانی جمع ہونے سے لوگوں کو کافی مشکلات کا سامنا کرنا پڑرہاہے۔ محکمہ موسمیات کے ذریعہ آئندہ دودن تک بارش ہونے کی وارننگ کے بعد دیہی علاقوں میں حادثوں کے اندیشے کے مدنظر افسران کو چوکنا رہنے کی ہدایت دی گئی ہے۔

اتر پردیش میں 2  دنوں سے بھاری بارش کا سلسلہ جاری، 20 افراد کی موت

ذرائع نے بتایا کہ گزشتہ 24 گھنٹوں کے دوران ریاست میں بارش سے متعلق حادثات میں کم سے کم 20 لوگوں کی موت کی اطلاع ہے۔ بجلی گرنے سے سونبھدر اور کوشامبی میں 3،3 اور بھدوہی اور لکھنؤ میں دو، جونپور میں ایک ایک فردکی موت ہوئی ہے۔ اس کے علاوہ امیٹھی، بارہ بنکی، للت پور، پیلی بھیت، باندہ، گورکھپور میں ایک اور بلیا میں تین افرادکی موت ہوئی ہے۔ موسلادھار بارش اور سیلاب کی وجہ سے 30سے زیادہ مویشیوں کے مرنے کی اطلاع ہے۔

تصویر یو این آئی
تصویر یو این آئی

واضح رہے کہ محکمہ موسمیات نے جمعرات کی رات کو ریاست کے مشرقی اور مغربی ضلعوں میں کئی مقامات پر بارش کی پیش گوئی کی تھی ۔دریں اثنا کچھ مقامات پر شدیدبارش کی وارننگ بھی دی تھی ۔اس کے علاوہ 28اور 29ستمبرکو مشرقی اترپردیش میں کچھ مقامات پر موسلادھار بارش ہونے کی وارننگ بھی جاری کی ہے۔

Published: 27 Sep 2019, 3:10 PM