گوٹیرس کی ہندوستان اور پاکستان سے انتہائی تحمل کا مظاہرہ کرنے کی اپیل

انہوں نے کہا ، ’’خطے میں اقوام متحدہ کا مقام اقوام متحدہ کے میثاق اور سلامتی کونسل کی قراردادوں کے ذریعے طے کی جاتی ہے۔‘‘

تصویر سوشل میڈیا
تصویر سوشل میڈیا

یو این آئی

اقوام متحدہ: اقوام متحدہ کے سکریٹری جنرل انتونیو گوٹیرس نے ہندوستان اور پاکستان کے مابین بڑھتے ہوئے تناؤ کے درمیان دونوں ممالک سے ’انتہائی تحمل‘ برتنے کی اپیل کی ہے۔

گوٹیرس نے جمعہ کے روز ایک بیان میں کہا کہ وہ جموں و کشمیر کی صورتحال پر نظر رکھے ہوئے ہیں۔ انہوں نے کہا ، ’’خطے میں اقوام متحدہ کا مقام اقوام متحدہ کے میثاق اور سلامتی کونسل کی قراردادوں کے ذریعے طے کی جاتی ہے۔‘‘ اقوام متحدہ کے سکریٹری جنرل کا یہ بیان ان کے ترجمان نے جاری کیا ہے۔

گوٹیریس نے کہا کہ وہ کشمیر میں پابندیوں کی اطلاعات پر تشویش میں مبتلا ہیں۔ اس کے ساتھ ہی ، انہوں نے تمام فریقوں سے جموں و کشمیر کی صورتحال کو متاثر کرنے والے اقدامات کرنے سے گریز کرنے کا مطالبہ کیا۔ گوٹیرس نے ہندوستان اور پاکستان کے درمیان باہمی تعلقات کے بارے میں 1972 کے معاہدوں کو بھی یاد کیا ، جسے شملہ معاہدہ بھی کہا جاتا ہے۔

اہم بات یہ ہے کہ پیر کو جموں و کشمیر کو خصوصی ریاست کا درجہ دینے والے آئین کی دفعہ 370 کو منسوخ کرنے کے ہندوستانی حکومت کے فیصلے کے بعد ہندوستان اور پاکستان کے مابین تناؤ میں اضافہ ہوا ہے۔