کرناٹک: جیلیٹن راڈ میں دھماکے سے چھ افراد ہلاک

کرناٹک کے وزیر صحت کے سدھاکر نے جائے وقوعہ کا دورہ کیا اور کہا کہ ہلاک شدگان کے انسانی اعضا چاروں طرف بکھرے ہوئے تھے۔ پولیس کے مطابق یہ حادثہ پیر اسندرا کے نزدیک ہیرا ناگوالی میں پیش آیا ہے۔

تصویر بشکریہ ٹوئٹر / @ANI
تصویر بشکریہ ٹوئٹر / @ANI
user

یو این آئی

چکبالپور: کرناٹک کے ضلع چکبالپور میں پتھر کی ایک کان میں رکھی جیلیٹن راڈوں میں پیر کی دیر رات دھماکہ ہونے سے چھ افراد ہلاک ہوگئے۔ پولیس نے منگل کے روز بتایا کہ کچھ لوگ جلیٹن کی راڈوں کو تباہ کرنے کی کوشش کر رہے تھے، اسی وقت ان میں دھماکہ ہو گیا۔

وزیر اعظم نریندر مودی نے حادثے پر افسوس کا اظہار کیا۔ انہوں نے کہا کہ دھماکے کی وجہ سے ہوئی ہلاکتوں پر وہ دلبرداشتہ ہیں اور سوگوار کنبے سے اظہار تعزیت کرتے ہیں۔ انہوں نے زخمیوں کے جلد صحتیاب ہونے کی دعا کی۔ کرناٹک کے وزیر صحت کے سدھاکر نے جائے وقوعہ کا دورہ کیا اور کہا کہ ہلاک شدگان کے انسانی اعضا چاروں طرف بکھرے ہوئے تھے۔ پولیس کے مطابق یہ حادثہ پیر اسندرا کے نزدیک ہیرا ناگوالی میں پیش آیا ہے۔

واضح رہے کہ اسی طرح کا ایک دھماکہ 22 جنوری کو ہوا تھا، جب شیوموگا کے ہناسوڈو میں گاؤں جیلیٹن بردار ٹرک میں اس دھماکہ ہو گیا تھا۔ اس دھماکے میں بھی چھ افراد ہلاک ہوگئے تھے۔

کرناٹک کے وزیر اعلی بی ایس یدی یورپا نے قصورواروں کے خلاف سخت کارروائی کا یقین دہانی کرائی ہے۔ انہوں نے کہا ’’چکبالپور کے ہیرا ناگوالی گاؤں کے نزدیک جیلیٹن دھماکے سے چھ افراد کی موت افسوسناک ہے۔ انہوں نے ضلع انچارج وزیر اور سینئر عہدیداروں کو مکمل تحقیقات کر کے ملزموں کے خلاف سخت کارروائی کی ہدایت دی ہے۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔


next