دہلی میں کورونا انفیکشن کا گراف گرا، نئے معاملات محض 255، 23اموات

دہلی میں گزشتہ چوبیس گھنٹوں کے دوران 72,751لوگوں کی کورونا جانچ کی گئی جن میں سے 72,946کی رپورٹ منفی آئی اور باقی 255کے متاثر ہونے کی تصدیق ہوئی۔

فائل تصویر یو این آئی
فائل تصویر یو این آئی
user

Syed Khurram Raza

راجدھانی دہلی میں کورونا وائرس کے گراف میں گراوٹ آئی ہے جبکہ کورونا کے نئے معاملوں میں پرسوں کے مقابلہ کل معمولی اضافہ درج ہوا ہے۔ گزشتہ چوبیس گھنٹوں میں محض 255نئے معاملے سامنے آئے اور مزید 23مریضوں کی مو ت ہوئی ہے۔

دہلی میں گزشتہ چوبیس گھنٹوں کے دوران 72,751لوگوں کی کورونا جانچ کی گئی جن میں سے 72,946کی رپورٹ منفی آئی اور باقی 255کے متاثر ہونے کی تصدیق ہوئی۔ یہاں اب تک 2.02کروڑ لوگوں کا کورونا ٹیسٹ ہوچکا ہے۔ نئے معاملات کے ساتھ متاثرین کی مجموعی تعداد 14لاکھ 31ہزار 139 ہوگئی ہے جبکہ اس بیماری سے مرنے والوں کی تعداد 24,823ہوگئی ہے۔ اسی مدت میں 376مریض صحت یاب ہوئے جنہیں ملاکر یہاں اب تک 14لاکھ 2ہزار 850لوگ اس بیماری سے نجات پاچکے ہیں۔ دہلی میں ابھی 3466فعال معاملے ہیں اور پابندی شدہ علاقوں کی تعداد 6782ہے۔


راجدھانی میں گزشتہ چوبیس گھنٹوں میں 83,286لوگوں کووڈ۔19ویکسین کی خوراک دی گئی۔ ان میں 54,928کو پہلی اور 28,358کو دوسری خوراک دی گئی۔ اب تک یہاں 60لاکھ 72ہزار 572لوگوں کو وڈ ٹیکے لگائے جاچکے ہیں۔

اس درمیان دہلی کے وزیراعلی اروند کیجریوال نے کورونا کی صورتحال کنٹرول میں ہونے کے بعد اب معیشت کو پٹری پر لانے کے لئے راجدھانی میں آج سے مزیدچیزیں کھولنے کااعلان کیا ہے ۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔