آدھے ہندوستان میں سیلاب کا خطرہ، 70 لاکھ لوگ متاثر، 45 کی ہو چکی ہے موت

بہار اور آسام کےسیلاب زدہ علاقوں میں ہائی الرٹ ہے اور وہاں کے حالات انتہائی تشویشناک ہیں۔

سوشل میڈیا 
سوشل میڈیا
user

قومی آوازبیورو

بہار اور شمال مشرقی ریاستوں میں سیلاب کی صورتحال تشویشناک شکل اختیار کر چکی ہے اور ان علاقوں میں سیلاب کی وجہ سے مرنے والوں کی تعداد 45 سے زیادہ ہو چکی ہے۔ تازہ خبروں کے مطابق تقریباً 70 لاکھ لوگ سیلاب سے متاثر ہیں۔

بہار کے 12 اضلاع سیلاب سے بہت بری طرح متاثر ہیں اور یہاں مرنے والوں کی تعداد 24 ہو گئی ہے اور 30 لاکھ سے زیادہ لوگ متاثر ہیں۔ مشرقی چمپارن سے ملنے والی خبروں کے مطابق دو الگ الگ واقعات میں پانچ اور بچوں کے ڈوب جانے کی خبر ہے۔ ادھر نیپال میں ہو رہی زبردست بارش کی وجہ سے علاقہ پر دوہری مار پڑ رہی ہے۔


آسام سے ملنے والی خبروں کے مطابق وہاں پر سیلاب کی وجہ سے ابھی تک 15 افراد کی موت ہو چکی ہے اور وہاں پر 44 لاکھ افراد بری طرح متاثر ہیں۔ آسام کے 33 میں سے 30 اضلاع سیلاب سے بری طرح متاثر ہیں۔ این ڈی آر ایف کی 119 ٹیمیں بچاؤ اور راحت کے کاموں کے لئے بہار اور آسام میں تعینات ہیں اور وہ 24 گھنٹے کام کر رہی ہیں۔ ادھر میزورم اور میگھالیہ میں بھی حالات خراب ہیں اور بڑی تعداد میں وہاں کی آبادی سیلاب سے متاثر ہے۔ مہاراشٹر میں بھی 75 گاؤں کو سیلاب کے خطرے کی وجہ سے ہائی الرٹ پر رکھا گیا ہے۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔