پاکستان میں حفاظتی دستوں کی گاڑی پر دہشت گردانہ حملے میں پانچ کی موت

پاکستان کے شمال مغربی صوبے خیبر پختونخوا کے شمالی وزیرستان ضلع میں دہشت گردوں نے سیکورٹی فورسز کی گاڑی پر حملہ کیا جس میں پانچ سیکورٹی اہلکار ہلاک ہو گئے

فائل تصویر / ریڈیو پاکستان
فائل تصویر / ریڈیو پاکستان
user

یو این آئی

اسلام آباد: پاکستان کے شمال مغربی صوبے خیبر پختونخوا کے شمالی وزیرستان ضلع میں دہشت گردوں نے سیکورٹی فورسز کی گاڑی پر حملہ کیا جس میں پانچ سیکورٹی اہلکار ہلاک ہو گئے۔

فوج کے میڈیا ونگ انٹر سروسز پبلک ریلیشنز نے ہفتے کی رات ایک بیان میں کہا کہ سیکورٹی فورسز کی گاڑی پر دہشت گردوں کے حملے میں پانچ سکیورٹی اہلکار ہلاک ہوگئے۔ انہوں نے کہا کہ جب حملہ ہوا تو نیم فوجی فرنٹیئر کاپس اور لیویز کے ارکان گاڑی میں تھے۔


بیان میں کہا گیا ہے کہ علاقے سے دہشت گردوں کو ختم کرنے کے لیے سیکورٹی فورسز کا آپریشن جاری ہے۔ پاکستان میں حال ہی میں خیبر پختونخوا اور جنوب مغربی بلوچستان صوبوں میں سیکورٹی فورسز پر دہشت گرد حملوں میں اضافہ ہوا ہے۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔