’الوداع چاندنی‘ شری دیوی کی آخری رسومات ادا

سری دیوی ’پنچ تتو‘ میں ضم، شوہر بونی کپور نے دی مكھیہ اگنی۔

سری دیوی کی آخری رسوم کے لئے تمل ناڈو سے پنڈت بلائے گئے ہیں۔ ہزاروں کی تعداد میں لوگ سری دیوی کو خراج عقیدت پیش کرنے کے لئے ویلے پارلے شمشان گھاٹ پہنچے ہوئے ہیں۔ لوگوں کو قابو کرنے میں پولس کو پریشانی ہو رہی ہے۔

سری دیوی کا جسدخاکی شمشان گھاٹ پہنچا

جس ٹرک پر شری دیوی کو ویلے پارلے لے جایا جا رہا ہے وہ سفید پھولوں سے سجا ہوا ہے اور اس پر شری دیوی کی بڑی تصویر لگی ہوئی ہے۔ اس ٹرک پر بونی کپور، انل کپور، ہرش وردھن کپور کے ساتھ ارجن کپور بھی موجود ہیں۔

بالیوڈ اداکارہ شری دیوی آخری سفر پر روانہ ہو چکی ہیں ان کی آخری رسومات 3.30 بجے ولے پارلے کے پون ہنس شمشان میں ادا کی جائیں گی۔

الگ الگ ریاستوں سے شری دیوی کے شیدائی ممبئی میں جمع ہو گئے ہیں۔ راجستھان کی ایک خاتون شری دیوی کے جسد خاکی کو دیکھ کر زار و قطار رونے لگی۔

شری دیوی کے آخری سفر کے لیے ٹرک کو سفید رنگ کے پھولوں سے سجایا جا رہا ہے۔ اسی ٹرک میں ان کو سلیبریشن کلب سے ویلے پارلے آخری رسومات کی ادائیگی کے لیے لے جایا جائے گا۔

ایک طرف جہاں شری دیوی کو چاہنے والے ہزاروں مداح ان کے آخری دیدار کے لئے ممبئی کے سلی بریشن کل کے باہر قطار لگائے ہیں وہیں مشہور و معروف فلمی ہستاں بھی وہاں خراج عقیدت پیش کرنے کے لئے پہنچ رہی ہیں۔ ایشوریا رائے، سشمتا سین، ہیما مالنی، ایشا دیول، سنجے کپور وغیرہ فلمی ستاروں کے پہنچنے کا سلسلہ برقرار ہے۔

اپنی پسندیدہ اداکارہ کو خراج عقیدت پیش کرنے کے لئے ہزاروں کی تعداد میں شیدائیوں کی بھیڑ امنڈ پڑی ہے۔ بھیڑ اتنی زیادہ ہے کہ لوگوں کی کلب کے باہر قطاریں لگی ہوئی ہیں۔

فلم ساز فرح خان اور اداکارہ سونم کپور خراج عقیدت پیش کرنے کے لئے سلیبریشن کلب پہنچیں۔

شری دیوی کا جس خاکی سلیبریشن کل میں رکھ دیا گیا ہے۔ ایک طرف جہاں شیدائیوں کا جم غفیر یہاں امنڈ پڑا ہے وہیں فلمی دنیا کی ہستیاں بھی پہنچ کر معروف اداکارہ کو آخری سلام پیش کر رہی ہیں۔

اس موقع پر خراج عقیدت پیش کرنے پہنچے اداکار انو کپور نے کہا ’’میڈیا کا کام سوال کرنا ہے اب یہ لوگوں کی ذمہ داری ہے کہ وہ ان سب سوالوں کو نظر انداز کرتے ہیں یا نہیں۔ شری دیوی کا خاندان اس وقت غم سے گزر رہا ہے۔ بیٹیوں نے کم عمر میں اپنی ماں کو کھو دیا ہے۔ ہمیں ان کے لئے دعا کرنی چاہئے۔‘‘

شری دیوی کے تمل ناڈو واقع آبائی گاؤں مینام پٹی (شیو کاشی) میں اس وقت غم کا ماحول ہے۔ لوگوں کا کہنا ہے ’’انہیں یقین نہیں آ رہا کہ شری دیوی نہیں رہیں۔‘‘

ممبئی: بالی وڈ اداکارہ شری دیوی کا جسد خاکی منگل کی دیر رات ممبئی پہنچا۔ بدھ کی سہ پہر تقریباً 3.30 بجے ویلے پارلے کے پون ہنس شمشان میں آخری رسومات ادا کی جائیں گی۔ دیر شام جسد خاکی کو شری دیوی کے لوکھنڈ والا واقع رہائش گرین ایکرس میں رکھ دیا گیا تھا۔

جسد خاکی کو آج ان کے گھر سے کچھ دور واقع سیلیبریشن کلب لے جایا جائے گا جہاں صبح 9.30 بجے سے 12.30 بجے تک لوگ آخری دیدار کر سکتے ہیں۔ ان کی آخری رسومات ویلے پارلے سروس سوسائٹی شمشان اور ہندو سيمیٹری میں ادا کی جائيں گی۔

قبل ازیں بالی ووڈ کی سپر اسٹار آنجہانی اداکارہ شری دیوی کے جسد خاکی کو چارٹرڈ طیارے کے ذریعہ گزشتہ رات ممبئی لایا گیا۔ ان کی لاش کولانے کے لئے فلم اداکار انل کپور اور دیگر لواحقین کافی پہلے سے ہوائی اڈے پر موجود تھے۔

دبئی میں محکمہ قانون کی اجازت ملنے کے بعد ان کے خاندان کے ارکان ان کے جسد خاکی کو ایک چارٹرڈ طیارہ کے ذریعہ لے آئے۔ اس دوران ہوائی اڈے کے باہر ہزاروں افراد کی بھیڑ جمع تھی اور جس کے پیش نظر پولس نے سیکورٹی کے سخت انتظامات کئے تھے۔

رشتہ داروں نے اس جذباتی گھڑی میں میڈیا کے مسلسل حمایت کے لئے شکریہ ادا کیا ہے شری دیوی کا آخری سفر دوپہر دو بجے سلیبریشن اسپوٹرس کلب سے شروع ہو گا۔

اس سے پہلے کل دوپہر دبئی میں حکام نے آنجہانی اداکارہ کی موت کی تحقیقات سے جڑے معاملے کو بند کر دیا اور ان کے جسد خاکی کو ہندوستان لے جانے کی منظوری دے دی۔

’ گلف نیوز‘ کے مطابق اس کے لئے آج 12 بجکر 45 منٹ پر این او سی سرٹیفکیٹ ہندوستانی قونصل خانے کے نمائندوں اور اداکارہ کے اہل خانہ کے حوالے کر دیا گیا۔ اس کے بعد ان کے جسد خاکی پر کیمیائی لیپ لگانے کے عمل کے لئے دبئی پولس ہیڈکوارٹر میں واقع میڈیکل سینٹر لے جایا گیا۔ اس کے بعد اسے ایمبولینس کے ذریعے براہ راست دبئی ہوائی اڈہ لے جایا گیا۔ 54 سالہ شری دیوی کی ہفتہ کی رات کو دبئی میں اپنے ہوٹل کے کمرے میں باتھ ٹب میں ڈوبنے سے موت ہو گئی تھی۔