’جنگل راج سے ڈرتے رہو، ایجاد کو برداشت کرتے رہو‘، رائے دہندگان پر لالو پرساد کا طنز

بہار کے سابق وزیر اعلیٰ لالو پرساد یادو نے بزرگ مریض کو اسپتال لے جانے کے لئے پالیتھن کی چادر کو اسٹریچر کی طرح استعمال کیے جانے پر طنز کرتے ہوئے اسے نتیش کمار کی ایجاد قرار دیا۔

لالو یادو کی فائل تصویر 
لالو یادو کی فائل تصویر
user

یو این آئی

پٹنہ: بہار کے سابق وزیراعلی اور راشٹریہ جنتا دل (آر جے ڈی) کے صدر لالو پرساد یادو نے بزرگ مریض کو اسپتال لے جانے کے لئے پالیتھن کی چادر کو اسٹریچر کی طرح استعمال کیے جانے پر طنز کرتے ہوئے اسے مسٹر نتیش کمار کی ایجاد قرار دیتے ہوئے کہا کہ جنگل راج سے ڈرتے رہو، ایجاد برداشت کرتے رہو۔

لالو یادو نے سنیچر کو سوشل نیٹورکنگ سائٹ ٹوئٹر پر ایک مریض کو اسپتال لے جانے کے لئے پالیتھن شیٹ کو اسٹریچر کی طرح استعمال کرتے ہوئے تین لوگوں کی تصویر پوسٹ کرتے ہوئے ٹوئٹ کیا کہ نتیش کمار نے پالیتھن والے اسٹریچر کی ایجاد کی۔ دنیا کو پاگل پن سے بھری 16سالہ حکمرانی کی جھلک اور طاقت دکھائی۔


آر جے ڈی کے صدر نے مزید لکھا کہ بہار کے بدعنوان اور مرتے ہوئے محکمہ صحت کے انقلابی حیرت انگیز کرشمے سے عالمی طبی دنیا حیران۔ انہوں نے بہار کے رائے دہندگان پر طنز کیا اور کہا ’جنگل راج سے ڈرتے رہیے، اویشکار جھیلتے رہیے‘۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔