مشہور شاعر منور رانا کی حالت نازک، وینٹی لیٹر سپورٹ پر رکھے گئے

مشہور شاعر منور رانا کی طبیعت بگڑنے کے بعد انہیں لکھنؤ کے اسپتال میں داخل کیا گیا ہے۔ جہاں انہیں وینٹی لیٹر کی سپورٹ پر رکھا گیا ہے اور ان کی حالت نازک بنی ہوئی ہے

منور رانا / آئی اے این ایس
منور رانا / آئی اے این ایس
user

قومی آوازبیورو

لکھنؤ: مشہور شاعر منور رانا کی طبیعت بگڑنے کے بعد انہیں لکھنؤ کے اسپتال میں داخل کیا گیا ہے۔ جہاں انہیں وینٹی لیٹر کی سپورٹ پر رکھا گیا ہے اور ان کی حالت نازک بنی ہوئی ہے۔ منور رانا کی بیٹی سمیہ رانا نے گزشتہ روز ایک ویڈو جاری کے اپنے والد کے لیے دعاؤں کی درخواست کی تھی۔

منور رانا کی صاحبزادی سمیہ رانا نے بتایا کہ ان کے 70 سالہ والد کو پت کی تھیلی کی سرجری کے بعد طبیعت بگڑنے پر اپالو اسپتال میں داخل کرایا گیا ہے۔ وہ گلے کے کینسر میں بھی مبتلا تھے اور ان کا ڈائیلاسس کیا جا جا رہا تھا۔ سمیہ رانا کے مطابق منور رانا کی پت کی تھیلی کی سرجری گزشہ منگل کو اسپتال میں کی گئی تھی۔


جب انہیں ڈائیلاسس کے لیے لے جایا گیا تو معلوم چلا کہ پتھری کی وجہ سے ان کی پت کی تھیلی پوری طرح خراب ہو گئی ہے۔ ان کا آپریشن کیا گیا لیکن تبھی سے ان کی طبیعت بگڑ رہی ہے۔

خیال رہے کہ منور رانا ان شعراء میں ہیں جہنوں نے اردو غزل میں کثرت سے ماں کا ذکر کیا ہے۔ ان کے یہاں غزلوں میں  دیگر موضوعات کے علاوہ  کثیر تعداد میں ایسے اشعار ہیں جن میں  ماں جیسی متبرک ہستی کو موضوع بنا کر ان کیفیات و جذبات کا اظہار ملتا ہے جو ایک ماں کے دل میں اپنے بچوں کے تئیں موجزن ہوتے ہیں۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔


/* */