اٹاوہ: بند دکان کی تلاشی میں غیرقانونی ہتھیار برآمد

اٹاوہ: اترپردییش میں اٹاوہ کے بکیور علاقے کے لکھنا میں ایک مسلح دکان سے غیر قانونی طور پر جمع کی گئی 16 کمپنی میڈ ہتھیار برآمد کیے جانے سے تہلکہ مچ گیا۔ سینیئر پولیس افسر برجیش کمار سنگھ نے آج یہاں کہا کہ بکیور علاقے کے قصبہ لَکھنا میں تحصیل دار بھرتھنا اور علاقے کے افسر مرتھنا کی ٹیم نے 2014 سے بند پڑی اسلحے کی دکان کھلوا کر تلاشی لی۔ اسلحہ فروخت کرنے والے کی دکان پر غیر قانونی طور پر رکھے 16 عدد کمپنی میڈ اسلحوں کو قبضے میں لے لیا۔

سہ سطحی پنچایت الیکشن کے دوران سینیئر پولیس افسر کے حکم کے مطابق ضلع اٹاوہ میں تمام تھانہ وار اسلحوں کو صد فیصد جمع کروانے کی مہم چلائی گئی تھی۔ لَکھنا میں سات برس سے بند اسلحہ کی دکان میں 16 اسلحے انتظامیہ کو ملے ہیں۔ اس میں ایک بندوق کا دکان کے رجسٹر میں کوئی ریکارڈ نہیں ہے۔ بندوقوں کو مجسٹریٹ نے غیرقانونی تسلیم کیا ہے۔ تمام اسلحے بکیور تھانے کے مال خانے میں رکھوا کر دکان کا لائیسنس رد کروانے کا عمل شروع کر دیا گیا ہے۔

پنچایت الیکشن کے دوران بکیور تھانہ پولیس نے لائیسنسی اسلحے جمع کروائے تھے۔ اس میں پولیس کو پتہ چلا تھا کہ لکھنا میں مہیشوری مُہال واقع میسرس پان کنور چوہان کی دکان 2014 سے بند ہے۔ دکان میں کئی لائیسنسی اسلحے جمع ہیں۔ کچھ ایسے اسلحے بھی ہونے کا اندیشہ ظاہر کیا گیا جن کے ریکارڈ نہیں ہے۔