ای ایم آئی کی وصولی 3 ماہ بند، بینک صارفین ٹھگوں سے ہوشیار رہیں: جموں وکشمیر پولیس

جموں و کشمیر پولیس نے لوگوں سے کہا ہے کہ کورونا وائرس کے پھیلاؤ کے پیش نظر تمام بینکوں نے ریزرو بینک آف انڈیا کی ہدایات پر صارفین سے ای ایم آئی کی وصولی تین ماہ کے لئے بند کردی ہے

تصویر سوشل میڈیا
تصویر سوشل میڈیا
user

یو این آئی

جموں: جموں و کشمیر پولیس نے لوگوں سے کہا ہے کہ کورونا وائرس کے پھیلائو کے پیش نظر تمام بینکوں نے ریزرو بینک آف انڈیا کی ہدایات پر صارفین سے ای ایم آئی کی وصولی تین ماہ کے لئے بند کردی ہے۔ تاہم کچھ ٹھگ نمودار ہوگئے ہیں جو ای ایم آئی کی وصولی روکنے کے لئے صارفین کو فون کرتے ہیں اور ان سے حساس تفصیلات جیسے او ٹی پی، پن اور بینک اکائونٹ نمبر مانگتے ہیں۔ پولیس نے بینک صارفین کو ایسے ٹھگوں سے ہوشیار رہنے کی اپیل کی ہے۔

پولیس کی طرف سے جاری ایک ایڈ وائزری میں کہا گیا ہے: 'ریزرو بینک آف انڈیا نے ای ایم آئی تین ماہ تک التوا میں رکھنے کی سہولیت فراہم کی ہے اور اب ٹھگوں نے موجودہ گھمبیر صورتحال کا فائدہ اٹھاتے ہوئے صارفین سے حساس تفصیلات جیسے او پی ٹی، پن، اکاؤنٹ نمر وغیرہ طلب کرنے کا سلسلہ شروع کیا ہے'۔


ایڈ وائزری میں کہا گیا کہ یہ ٹھگ اپنے آپ کو بینکوں کے نمائندے جتاتے ہوئے صارفین سے ویری فکیشن کے نام پر اکاؤنٹ نمبر، فون نمبر، ڈبٹ کارڈ کی تفصیلات وغیرہ طلب کرکے انہیں لوٹتے ہیں۔ متذکرہ ایڈوئزری میں کہا گیا ہے کہ یہ ٹھگ لوگ ان تفصیلات کی مدد سے آن لائن لین دین کا آغاز کرتے ہیں اور او پی ٹی مانگ کر کہتے ہیں کہ یہ ای ایم آئی کی وصولی کو التوا میں رکھنے کے لئے ضرورت ہے۔

پولیس کا کہنا ہے کہ او پی ٹی حاصل کرتے ہی یہ لوگ صارف کے اکاؤنٹ کو خالی کرتے ہیں اور صارف کو ایک فرضی ایس ایم ایس بھی کرتے ہیں۔

اس سائبر فراڈ کے بارے میں مطلع کرنے کے لئے جموں وکشمیر پولیس نے لوگوں سے اپیل کی ہے کہ ای ایم آئی کی وصولی کو التوار میں رکھنے کے لئے صارفین کو کسی کے ساتھ کوئی انفارمیشن شیئر کرنے کی ضرورت نہیں ہے لہٰذا لوگ یہ تفصیلات کبھی بھی کسی کے ساتھ شئیر نہ کریں۔

پولیس نے لوگوں سے کہا ہے کہ کسی شک کو دور کرنے کے سلسلے میں کسٹمر کیئر نمبر جو ہر کسی صارف کے کریڈٹ کاڑد یا ڈیبٹ کارڈ کی پشت پر درج ہوتا ہے، پر رابطہ کریں۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔