لکھیم پورکھیری:الیکشن افسر کو پڑا دل کا دورہ،اسپتال میں داخل ، حالت مستحکم

لکھیم پور کھیری کے گنیش پور گاوں سے موصول اطلاع کے مطابق دعوی کیا گیا کہ اس گاوں میں آزادی کے بعد خواتین نے پہلی بار ووٹنگ میں حصہ لیا۔

چوتھے مرحلہ کی تصویر یو این آئی
چوتھے مرحلہ کی تصویر یو این آئی
user

قومی آوازبیورو

اتر پردیش کا لکھیم پور کھیری علاقہ ویسے ہی سرخیوں میں ہے کیونکہ وہاں مرکزی وزیر مملکت کے بیٹے آشیش مشرا پر کسانوں کو گاڑی سے کچلنے کا الزام ہے اور اس کی ضمانت کے بعد وہاں کے لوگوں میں غصہ بھی ہے ایسے میں کل وہاں سے خبر آئی کہ وہاں پر ووٹنگ کے دوران ایک انتخابی افسر کی طبیعت خراب ہونے کی وجہ سے اسپتال میں داخل کرایا گیا۔

اترپردیش اسمبلی انتخابات کے چوتھے مرحلے میں ووٹنگ کے دوران بدھ کو لکھیم پوری کھیری میں ایک انتخابی افسر کو دل کا دورہ پڑنے کے بعد اسے فورا ضلع اسپتال میں داخل کرایا گیا جہاں ان کی حالت مستحکم بتائی گئی ہے۔


ضلع انتظامیہ کے ذریعہ دی گئی جانکاری کے مطابق ووٹنگ کے دوران دھورہرا اسمبلی حلقے کے سسیا ووٹنگ سنٹر پر انتخابی افسر جتیندر پال کو اچانک دل کا دورہ پڑگیا۔ ووٹنگ سنٹر پر موجود انتخابی افسران نے فورا انہیں ضلع اسپتال میں داخل کرایا۔انتخابی افسر کی حالت فی الحال مستحکم بتائی جارہی ہے۔

چوتھے مرحلے میں سب سے زیادہ ووٹنگ لکھیم پور کھیری میں ہوئی ہے۔ وہاں لوگوں میں زبردست جوش اور غصہ نظر آیا ۔ دھورہرا اسمبلی حلقے کے گنیش پور گاوں سے موصول اطلاع کے مطابق دعوی کیا گیا کہ اس گاوں میں آزادی کے بعد خواتین نے پہلی بار ووٹنگ میں حصہ لیا۔دعوی کیا جاتا ہے کہ پرانے رسم و رواج سے پیوست اس علاقے میں اب بھی ایسے گاؤں ہیں جہاں کنبے کے لوگ خواتین کو ووٹ ڈالنے کی چھوٹ نہیں دیتے ہیں۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔