دہلی شراب پالیسی معاملہ میں ای ڈی کی بڑی کارروائی، فارما کمپنی کے سربراہ سمیت دو گرفتار

دہلی شراب پالیسی معاملہ میں ای ڈی نے تاحال کئی مقامات پر چھاپہ ماری کی ہے۔ ستمبر کے مہینے میں ای ڈی نے انڈو اسپرٹ نام کی ایک شراب کمپنی کے منیجنگ ڈائریکٹر سمیر مہندرو کو بھی گرفتار کیا تھا

علامتی تصویر، ای ڈی
علامتی تصویر، ای ڈی
user

قومی آوازبیورو

نئی دہلی: دہلی شراب پالیسی گھوٹالہ معاملے میں انفورسمنٹ ڈائریکٹوریٹ نے بڑی کارروائی کی ہے۔ این ڈی ٹی وی کے مطابق، ای ڈی نے منی لانڈرنگ کیس کے سلسلے میں اروبندو فارما کے منیجنگ ڈائریکٹر شرتھ ریڈی سمیت 2 افراد کو گرفتار کیا ہے۔ اس معاملے میں یہ دوسری گرفتاری ہے۔

فی الحال ای ڈی کی ٹیم دونوں ملزمان سے پوچھ گچھ کر رہی ہے۔ ریڈی نے بزنس ایڈمنسٹریشن کی ڈگری حاصل کی ہوئی ہے۔ وہ دوسری نسل کے تاجر ہیں اور پروموٹر گروپ سے تعلق رکھتے ہیں۔ ان کے پاس جنرل مینجمنٹ اور پروجیکٹ ایگزیکیوشن میں اسپیشلٹی کا تجربہ ہے۔


ای ڈی نے اب تک دہلی کے شراب پالیسی گھوٹالہ معاملے میں کئی جگہوں پر چھاپے مارے ہیں۔ اس سے قبل ستمبر میں ای ڈی نے انڈو اسپرٹ نامی شراب بنانے والی کمپنی کے منیجنگ ڈائریکٹر سمیر مہندرو کو گرفتار کیا تھا۔

خیال رہے کہ دہلی شراب پالیسی 2021-22 کے نفاذ میں مبینہ بے ضابطگیوں کی سی بی آئی انکوائری کی سفارش دہلی کے ایل جی نے کی تھی، جس کے بعد دہلی کی ایکسائز اسکیم زیربحث آ گئی۔ ایل جی نے ایکسائز کے 11 اہلکاروں کو بھی معطل کر دیا تھا۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔