سی بی آئی-ای ڈی نے جعلی کمپنیوں کے لیے منی لانڈرنگ کرنے والے شخص کو گرفتار کیا

ای ڈی کے مطابق یہ معاملہ 19 فرضی کمپنیوں کے ذریعے غیر قانونی کمائی کو ملک سے باہر بھیجنے سے متعلق ہے۔ اس معاملے میں یہ چوتھی گرفتاری ہے۔

فائل تصویر یو این آئی
فائل تصویر یو این آئی
user

یو این آئی

انفورسمنٹ ڈائریکٹوریٹ (ای ڈی) نے منی لانڈرنگ کے مبینہ معاملے میں نریندر کمار گپتا نامی ایک شخص کو گرفتار کیا ہے۔ ای ڈی کے مطابق منی لانڈرنگ کی روک تھام کے قانون کے تحت دائر مقدمات کی سماعت کرنے والی خصوصی عدالت نے ملزم کو 15 دن کے لیے عدالتی حراست میں بھیج دیا۔

ای ڈی نے ہفتہ کو ٹویٹ کیاکہ "ایجنسی نے منی لانڈرنگ کیس میں ہندوستان سے باہر پیسہ بھیجنے کے الزام میں نریندر کمار گپتا کو گرفتار کیا ہے۔ یہ کیس 425 کروڑ روپے کا ہے۔ انہیں منی لانڈرنگ کی روک تھام کے قانون کے تحت خصوصی عدالت نے 15 دن کی عدالتی تحویل میں بھیج دیا ہے۔


ای ڈی کے مطابق یہ معاملہ 19 فرضی کمپنیوں کے ذریعے غیر قانونی کمائی کو ملک سے باہر بھیجنے سے متعلق ہے۔ اس معاملے میں یہ چوتھی گرفتاری ہے۔

ای ڈی نے پنجاب نیشنل بینک کی شکایت پر یہ کیس درج کیا تھا جس میں کہا گیا تھا کہ چنئی میں بینک کی منٹ اسٹریٹ برانچ میں 19 اداروں کے کھاتے کھولے گئے تھے۔ یہ یونٹس شیل کمپنیاں تھیں جو درحقیقت کوئی کاروبار نہیں کرتی تھیں اور ان کا کاروبار خالی کاغذی تھا۔ ایجنسی کی تحقیقات سے یہ بات سامنے آئی ہے کہ 425 کروڑ روپے کی رقم ان کمپنیوں کے ذریعے ہانگ کانگ اور متحدہ عرب امارات کی مختلف اکائیوں کو چھ ماہ کی مدت میں بھیجی گئیں۔


ای ڈی کی تحقیقات سے پتہ چلا کہ نریندر گپتا کا ہانگ کانگ میں ایک یونٹ ہے جس کے وہ ڈائریکٹر بھی ہیں۔ اس یونٹ کو اس نے 22.6 کروڑ روپے کی منی لانڈرنگ کے لیے استعمال کیا۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔