ڈرون کے استعمال سے 50 لاکھ روزگار پیدا کئے جا سکتے ہیں: نتن گڈگری

نتن گڈکری نے کہا کہ زراعت میں ڈرون ٹیکنالوجی کا استعمال وقت کی ضرورت ہے اور اس سے دیہی شعبے میں صرف ایک سال میں 50 لاکھ ملازمتیں پیدا کی جا سکتی ہیں۔

نتن گڈکری، تصویر آئی اے این ایس
نتن گڈکری، تصویر آئی اے این ایس
user

یو این آئی

ناگپور: سڑک، ٹرانسپورٹ اور شاہراہوں کے مرکزی وزیر نتن گڈکری نے کہا ہے کہ زراعت کے شعبے میں ڈرون کے استعمال سے دیہی علاقوں میں تقریباً 50 لاکھ ملازمتیں پیدا ہو سکتی ہیں۔ نتن گڈکری نے یہ بات پیر کو ناگپور میں 'ایگرو ویژن' نمائش کی اختتامی تقریب کے دوران کہی۔

نتن گڈکری نے کہا کہ زراعت میں ڈرون ٹیکنالوجی کا استعمال وقت کی ضرورت ہے اور اس سے دیہی شعبے میں صرف ایک سال میں 50 لاکھ ملازمتیں پیدا کی جا سکتی ہیں۔ نتن گڈکری نے کہا کہ ڈرون سے کیڑے مار ادویات اور فصلوں کے غذائی اجزاء کے چھڑکاؤ کے لیے ڈرون چلانے کے لیے افرادی قوت کی ضرورت ہوگی اور اس سے دیہی شعبے میں روزگار کے بڑے مواقع کھولنے میں مدد ملے گی۔


مرکزی وزیر نتن گڈگری نے یہ بھی کہا کہ انہوں نے اپنے کابینہ کے ساتھیوں کے ساتھ زراعت کے شعبے میں ڈرون ٹیکنالوجی کو اپنانے کے لیے ایک پالیسی تیار کرنے کی ضرورت پر تبادلہ خیال کیا ہے۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔