ڈاکٹرس ڈے: مختلف ممالک میں خدمات انجام دے رہے ہندوستانی نرسوں سے راہل گاندھی نے کہا ’ہمیں آپ پر فخر ہے‘، دیکھیں ویڈیو

راہل گاندھی نے نریندر سنگھ (آسٹریلیا)، انو راگنت (نیوزی لینڈ)، شیرلی مول پوراوادی (انگلینڈ) اور ویپن کرشنن (ہندوستان) سے ویڈیو کانفرنسنگ کے ذریعہ گفتگو کرتے ہوئے موجودہ حالات کی جانکاری لی۔

user

قومی آوازبیورو

کانگریس لیڈر راہل گاندھی نے آج ڈاکٹرس ڈے کے موقع پر ایسے ہندوستانی نرسوں کے ساتھ بات چیت کی جو دوسرے ممالک میں اپنی خدمات انجام دے رہے ہیں۔ انھوں نے کورونا وبا کے دور میں متعلقہ ملک کے حالات، وہاں کے نرسوں کے تجربات اور خدشات پر تبادلہ خیال کیا اور ساتھ ہی کہا کہ ہندوستانی نرس جو مخلصانہ خدمات مختلف ممالک میں انجام دے رہے ہیں، اس پر ہمیں فخر ہے اور وہ کبھی ایسا نہ سمجھیں کہ ہم ان کے ساتھ نہیں۔ اس موقع پر راہل گاندھی نے نریندر سنگھ (آسٹریلیا)، انو راگنت (نیوزی لینڈ)، شیرلی مول پوراوادی (انگلینڈ) اور ویپن کرشنن (ہندوستان) سے ویڈیو کانفرنسنگ کے ذریعہ بات چیت کر کے ان کے تجربات جاننے کی کوشش کی۔ قابل ذکر بات یہ ہے کہ ویپن کرشنن کورونا پازیٹو پائے گئے تھے جو اب صحت مند ہیں اور انھوں نے اس تعلق سے کافی اہم باتیں راہل گاندھی کے سامنے رکھیں۔ 'قومی آواز' کے قارئین کے لیے پیش ہے راہل گاندھی کے ساتھ بات چیت پر مبنی یہ اہم ویڈیو...