وِنگ کمانڈر اَبھینندن کے ساتھ واگھہ بارڈر پر موجود مسلم خاتون کون تھی!

فضائیہ کے جانباز پائلٹ ابھینندن ورتمان کی ملک واپسی نے جمعہ کی شب جشن کا ماحول پیدا کر دیا تھا۔ رات تقریباً 9.15 بجے پاکستان نے واگھہ-اٹاری بارڈر پر ابھینندن کو ہندوستانی افسروں کے حوالے کر دیا۔ اس دوران ان کے ساتھ موجود ایک خاتون کو کچھ لوگ وِنگ کمانڈر ابھینندن کی بیوی سمجھ رہے تھے تو کوئی انھیں فیملی کا کوئی رکن۔ لیکن یہ سب خیالی باتیں تھیں۔ اس خاتون کی حقیقت کے بارے میں ہم آپ کو بتاتے ہیں۔

وِنگ کمانڈر ابھینندن کے ساتھ جو خاتون واگھہ-اٹاری بارڈر پر نظر آئیں وہ ایک مسلم تھیں اور ان کا نام ہے ڈاکٹر فارحہ بگتی۔ وہ پاکستان کی خارجہ آفس میں کام کرتی ہیں۔ ڈاکٹر فارحہ ایف ایس پی ہیں جو ہمارے آئی ایف ایس (فورن سروس) کے یکساں ہے۔ ان دنوں ڈاکٹر فارحہ محکمہ خارجہ میں ہندوستان ڈیسک کی انچارج ہیں۔

پاکستان کی جیل میں بند کلبھوشن جادھو کے معاملے کو سنبھالنے والے پاکستان کے اعلیٰ افسر کی ٹیم میں بھی ڈاکٹر فارحہ شامل ہیں۔ بتایا جاتا ہے کہ گزشتہ سال اسلام آباد میں جب جادھو، ان کی ماں اور بیوی کے درمیان ملاقات ہوئی تھی تو اس دوران بھی ڈاکٹر فارحہ وہاں موجود تھیں۔