دہلی میں اگلے کچھ دنوں تک مطلع رہے گا ابر آلود، کشمیر کے کئی حصوں میں برف باری جاری

وادی کشمیر کے گیٹ وے قاضی گنڈ میں کم سے کم درجہ حرارت منفی 0.4 ڈگری سیلسیس ریکارڈ کیا گیا۔ جبکہ سالانہ امرناتھ یاترا کے بیس کیمپ پہلگام میں کم سے کم درجہ حرارت منفی 2.4 ڈگری سیلسیس ریکارڈ کیا گیا

کشمیر میں برف باری / تصویر یو این آئی
کشمیر میں برف باری / تصویر یو این آئی
user

قومی آوازبیورو

نئی دہلی: راجدھانی دہلی میں اگلے چند دنوں تک مطلع ابر آلود رہنے کا امکان ہے۔ دہلی میں جمعرات کو کم سے کم درجہ حرارت 12.8 ڈگری سیلسیس ریکارڈ کیا گیا، جو اس مہینے میں اب تک کا سب سے زیادہ ہے۔ محکمہ موسمیات نے یہ اطلاع دی۔ ہندوستان کے محکمہ موسمیات (آئی ایم ڈی) کے بلیٹن کے مطابق زیادہ سے زیادہ درجہ حرارت 17.3 ڈگری سیلسیس ریکارڈ کیا گیا، جو اس موسم کی اوسط سے 5 ڈگری زیادہ ہے۔

آئی ایم ڈی نے کہا کہ نئی ویسٹرن ڈسٹربنس کی وجہ سے 29 جنوری کو دہلی میں ہلکی بارش ہو سکتی ہے۔ مرکزی آلودگی کنٹرول بورڈ (سی پی سی بی) کے اعداد و شمار کے مطابق، دہلی میں مجموعی طور پر ایئر کوالٹی انڈیکس (اے کیو آئی) 297 ریکارڈ کیا گیا۔ جوکہ ’خراب‘ سمجھا جاتا ہے۔ اسکائی میٹ ویدر سروسز کے مہیش پلوت نے کہا کہ اگلے دو دنوں میں دہلی کا کم سے کم درجہ حرارت گر سکتا ہے۔


وہیں، کشمیر کے کئی علاقوں میں برف باری کا سلسلہ جاری ہے۔ وادی میں بادل چھائے رہنے کی وجہ سے کم سے کم درجہ حرارت میں اضافہ ہوا ہے۔ محکمہ موسمیات کے حکام نے یہ اطلاع دی۔ تاہم گلمرگ میں کم سے کم درجہ حرارت صفر سے نیچے رہا۔ کشمیر میں خاص طور پر جنوبی اضلاع میں کئی مقامات پر ہلکی سے درمیانی برف باری ریکارڈ کی گئی۔

محکمہ موسمیات نے جمعہ کو موسم خشک رہنے کی پیش گوئی کی ہے۔ برفباری اور ابر آلود آسمان کی وجہ سے وادی کے بیشتر مقامات پر کم سے کم درجہ حرارت میں اضافہ ہوا ہے۔ حکام نے بتایا کہ سری نگر میں کم سے کم درجہ حرارت 1.2 ڈگری سیلسیس ریکارڈ کیا گیا۔ حکام نے بتایا کہ وادی کشمیر کے گیٹ وے قاضی گنڈ میں کم سے کم درجہ حرارت منفی 0.4 ڈگری سیلسیس ریکارڈ کیا گیا۔ جبکہ، سالانہ امرناتھ یاترا کے بیس کیمپ پہلگام میں کم سے کم درجہ حرارت منفی 2.4 ڈگری سیلسیس ریکارڈ کیا گیا۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔