رام منوہر لوہیا اسپتال کے طبی عملہ کے 151 افراد کی خدمات ختم

رام منوہر لوہیا اسپتال نے اپنے طبی عملہ کے 151 کنٹریکٹ پر کام کرنے والے ملازمین کو نوکری سے نکال دیا ہے، اسپتال نے اب ان کے مقام پر مستقل ملازمین کی تقرری کر دی ہے

علامتی تصویر
علامتی تصویر
user

قومی آوازبیورو

نئی دہلی: دہلی کے مشہور رام منوہر لوہیا اسپتال نے کورونا کے دور میں اپنی جان کی پرواہ نہ کرتے ہوئے مریضوں کا علاج کرنے والے طبی عملہ کے ملازمین کو نوکری سے نکال دیا گیا ہے۔ اے بی پی نیوز کے مطابق نوکری سے نکالے جانے والے ملازمین کنٹریکٹ پر کام کرتے تھے اور اسپتال میں گزشتہ 12-13 سے اپنی خدمات انجام دے رہے تھے۔

اسپتال کے اس اقدام کی وجہ سے ڈیڑھ سو سے زیادہ افراد کو معاشی قلت کا سامنا ہے۔ ملازمین کا کہنا ہے کہ کورونا وبا کے دوران اپنی جان جوکھم میں ڈال کر ان کی جانب سے کی گئیں خدمات کا انہیں یہ پھل دیا گیا ہے۔ ملازمین نے اسپتال کے اس فیصلہ کے خلاف احتجاج کیا اور کینڈل مارچ بھی نکالا تھا لیکن کوئی فائدہ نہیں ہوا اور ان کی ایک نہیں سنی گئی۔


ملازمین کا کہنا ہے کہ انہوں نے اس معاملہ میں وزیر اعظم کے دفتر اور مرکزی وزارت صحت تک گہار لگائی ہے اور ہائی کورٹ سے بھی رجوع کیا ہے۔ وہ اسپتال انتظامیہ سے لگاتار درخواست کر رہے ہیں کہ انہیں خدمات پر بحال کر دیا جائے مگر انہیں بحال نہیں کیا جا رہا۔

رپورٹ کے مطابق 151 کنٹریکٹ ملازمین کو نوکری سے اس لئے نکالا گیا ہے کیونکہ ان کے مقام پر اب مستقل ملازمین کو نقرری دے دی گئی ہے۔ اس فیصلے کے بعد نرسنگ اسٹاف کو جھٹکا لگا اور وہ بہت زیادہ غم و غصہ میں ہیں۔ ان کا کہنا ہے ’’حکومت کو ہماری کوئی فکر نہیں ہے، ہم اب کس طرح اپنے خاندان کی پرورش کریں گے!‘‘

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔