دہلی حادثہ: نئے سال کا جشن منانے گئے تھے مرتھل، میوزک اور شراب میں مست تھے نوجوان

پولس ذرائع کے مطابق سلطان پوری سڑک حادثہ کے تمام ملزمین 31 دسمبر کی رات ڈنر کے لئے مرتھل گئے تھے۔ واپسی کے دوران یہ واقعہ  پیش آیا۔

<div class="paragraphs"><p>ملزمان کی کار، تصویر آئی اے این ایس</p></div>

ملزمان کی کار، تصویر آئی اے این ایس

user

قومی آوازبیورو

دہلی کے سلطان پوری علاقے میں سڑک حادثے میں جان کی بازی ہارنے والی لڑکی کے رشتہ داروں نے پولیس پر سنگین الزامات لگائے ہیں۔ نیوز پورٹل اے بی پی پر شائع خبر کے مطابق جان کی بازی ہارنے والی لڑکی کے لواحقین کا کہنا ہے کہ پولیس ملزمان کو بچا رہی ہے جبکہ پولیس نے ان الزامات کی تردید کی ہے۔ پولیس کا کہنا ہے کہ سلطان پوری سڑک حادثہ کی ہر زاویے سے تحقیقات کی جا رہی ہے۔

پولس ذرائع کے مطابق سلطان پوری سڑک حادثہ کے تمام ملزمین 31 دسمبر کی رات ڈنر کے لئے مرتھل گئے تھے۔ تاہم وہاں بھیڑ زیادہ ہونے کی وجہ سے وہ دہلی واپس آگئے۔ اگر پولیس ذرائع کی مانیں تو ملزم نے کار میں ہی شراب نوشی کی تھی اور سنگھو سرحد کے راستے سلطان پوری علاقے میں واپس  آئے تھے۔ پولیس نے سلطان پوری سڑک حادثہ میں 5 افراد کو گرفتار کر لیا ہے۔


پولیس کی پوچھ گچھ میں ملزمان نے بتایا کہ انہیں یہ معلوم نہیں ہو سکا کہ کوئی گاڑی کے نیچے پھنس گیا ہے اور وہ تقریباً 15 منٹ تک اسی طرح گاڑی چلاتے رہے۔ پولیس کے مطابق ملزمان نے پولیس کو بتایا کہ جب انہیں معلوم ہوا تو وہ خوفزدہ ہوگئے اور علاقے میں گھومنے لگے۔ جب وہ مین روڈ پر آئے تو پکڑے جانے کے ڈر سے لاش کو کار سے الگ کر کے فرار ہو گئے۔ پورٹل پر شائع خبر کے مطابق یہ بھی بتایا گیا ہے کہ گاڑی کی کھڑکیاں بند تھیں اور اونچی آواز میں میوزک چل رہا تھا۔

پولیس کو 31 دسمبر اور یکم جنوری کی درمیانی رات دہلی کے سلطان پوری علاقے میں کانجھا والا روڈ پر سڑک حادثے کی اطلاع ملی۔ فون کرنے والے نے بتایا تھا کہ کانجھا والا روڈ پر لڑکی کی لاش پڑی ہے۔ کچھ عینی شاہدین نے اسکوٹی پر سوار ایک لڑکی کو کار سے گھسیٹتے ہوئے بھی دیکھا۔ اس کیس میں پولیس نے چند گھنٹوں میں ملزم کو گرفتار کر لیا۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔