ججوں کے لئے پانچ ستارہ ہوٹلوں میں علاج کی سہولت سے متعلق احکام واپس

دہلی ہائی کورٹ نے جمعرات کو دہلی حکومت کی جانب سے ججوں اور ان کے کنبوں کو کورونا سے متعلق سہولیات پانچ ستارہ اشوک ہوٹل میں دیئے جانے سے متعلق حکم واپس لینے کی اطلاع دینے پر عدالت نے از خود نوٹس کے تحت شروع کی گئی کارروئی بند کر دی۔ جسٹس وپن سانگھی اور ریکھا پلی کی بنچ نے میڈیا رپورٹ اور معاملے کا نوٹس لیتے ہوئے شروع کی گئی کارروائی بند کر دی۔

بنچ نے کہا ایک ادارے کے طور پر کیا ہم اپنے لئے خصوصی سہولیات لے سکتے ہیں، کیا یہ صاف طور پر تفریق آمیز نہیں ہوگا جب عام لوگوں کو علاج نہیں مل رہا ہے اور ہمارے لئے پانچ ستارہ سہولتیں ہوں! بنچ نے کہا یہ سوچا بھی نہیں جاسکتا کہ ہم ایک ادارے کے طور پر بہتر علاج چاہتے ہیں۔

وکیل سنتوش کمار نے ہائی کورٹ کو بتایا کہ دہلی حکومت کا ججوں اور عدالتی افسران کے لئے اشوک ہوٹل میں 100 بستر قائم کرنے کا حکم واپس لے لیا گیاہے۔

ایس ڈی ایم گروور نے 28 اپریل کو بتایا تھا کہ دہلی حکومت نے ججوں کے لئے اشوکا ہوٹل کے 100 کمروں میں کووڈ 19 کے علاج کی سہولت مہیا کرانے سے متعلق حکم فوری طور پر اثر میں لاتے ہوئے واپس لے لیا ہے۔