سکم تنازعہ: دہلی حکومت نے اشتہار کو واپس لیا

سکم کو ہندوستان سے الگ دکھائے جانے کے سلسلے میں ہوئے تنازعہ کے بعد دہلی حکومت نے اس اشتہار کو واپس لے لیا ہے۔

وزیراعلی اروند کیجری وال نے سنیچر کو کہا کہ سکم ہندوستان کا اٹوٹ حصہ ہے۔ ایسی غلطی کو نظرانداز نہیں کیا جاسکتا ہے۔ حکومت نے اشتہار کو واپس لے لیا ہے اور متعلقہ افسر کے خلاف کارروائی کی گئی ہے۔

اس سے پہلے لفٹننٹ گورنر انل بیجل نے پڑوسی ریاستوں کی طرح دہلی حکومت کے سکم کو ملک کے نقشے سے الگ دکھانے کے معاملے میں سول ڈیفنس ڈائرکٹوریٹ کے ایک سینئر افسر کو فوری اثر سے معطل کردیا ہے۔

دہلی حکومت کا اخبارات میں ایک اشتہار شائع ہوا ہے جس میں سکم کو نیپال اور بھوٹان کے ساتھ ہندوستان سے الگ ملک بتایا گیا ہے۔دہلی اسمبلی میں اپوزیشن لیڈر رام ویرسنگھ بڈھوری اور دہلی ریاستی کانگریس کے صدر انل کمار نے اشتہار پر سخت اعتراض کا اظہار کیا تھا۔

یہ اشتہار کیجری وال حکومت نے سول ڈیفنس کے اراکین کی بھرتی کے لئے نکالا ہے۔ اشتہار میں وزیراعلی اروند کیجری وال کی تصویربھی چھپی ہے۔ حکومت نے اشتہار کے بھرتی کالم میں لکھا ہے کہ درخواست گذار ہندوستان کا شہری ہو یا پھر بھوٹان، نیپال یا سکم کی عوام ہو یا دہلی کا رہنے والا ہو۔

واضح رہے کہ سکم سال 1975 میں ہندوستان میں ضم ہوا تھا۔