دہلی آبکاری پالیسی: کویتا کی عرضی پر ای ڈی نے سپریم کورٹ میں داخل کی کیویٹ پٹیشن
کیویٹ پٹیشن ایک قانونی دستاویز ہے جو کسی فریق کی طرف سے عدالت کو الرٹ کرنے کے لیے دائر کیا جاتا ہے۔
کے کویتا، تصویر آئی اے این ایس
نئی دہلی: انفورسمنٹ ڈائریکٹوریٹ (ای ڈی) نے سپریم کورٹ کے سامنے ایک کیویٹ پٹیشن داخل کرکے اپیل کی ہے کہ وہ بھارت راشٹر سمیتی (بی آر ایس) کی لیڈر کے کویتا کی طرف سے ای ڈی کے جاری کردہ سمن مورخہ 24 مارچ کے خلاف دائر عرضی میں جانچ ایجنسی کا موقف سنے بغیر کوئی حکم جاری نہ کرے، جو انہوں نے دہلی آبکاری پالیسی کے کیس میں پوچھ گچھ اور گرفتاری سے بچنے کے لیے دائر کی ہے۔
تلنگانہ کی قانون ساز کونسل ممبر (ایم ایل سی) کویتا کے 16 مارچ کو ای ڈی حکام کے سامنے پوچھ گچھ کے لیے حاضر نہ ہونے کے بعد، ایجنسی نے ان کے لیے 20 مارچ کو پوچھ گچھ کے سمن کی تازہ تاریخ طے کی جب انہيں نئی دہلی میں جانچ ایجنسی کے دفتر میں حاضر ہونا ہے۔
یہ بھی پڑھیں : اڈانی معاملہ مودی حکومت کے لیے ٹیڑھی کھیر...ظفر آغا
کیویٹ پٹیشن ایک قانونی دستاویز ہے جو کسی فریق کی طرف سے عدالت کو الرٹ کرنے کے لیے دائر کیا جاتا ہے تاکہ عدالت کی طرف سے کوئی خاص کارروائی کرنے یا مخالف پارٹی کو کوئی ریلیف دینے سے پہلے کیویٹ پٹیشن دائر کنندہ کے موقف کو سننے کا موقع دیا جا سکے۔
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔