ایک طرف ہو رہی تھی نریندر مودی کی حلف بَرداری، دوسری طرف بی جے پی بن گئی ’بیف پارٹی‘
دہلی بی جے پی کی ویب سائٹ ہیک کر لی گئی ہے۔ ہیکرس نے ویب سائٹ کے کئی صفحات کو بیف پر مشتمل کھانوں کے آئٹمز میں تبدیل کر دیا۔ صفحہ اول پر کئی جگہ پر ’بیف‘ لفظ جوڑ دیا گیا۔
ایک طرف جہاں آج مودی حکومت کے دوسرے دور کی شروعات ہوئی وہیں دوسری طرف دہلی بی جے پی کی ویب سائٹ ہیک کر لی گئی ہے۔ ہیکرس نے ویب سائٹ کے کئی صفحات کو ’بیف‘ پر مشتمل کھانوں کے آئٹمز میں بدل دیا۔ ویب سائٹ کو ہیک کر کے بالکل ایسا کر دیا گیا جس میں کھانے کے مینو دیے گئے۔ صفحہ اوّل پر تو کئی مقامات پر ’بیف‘ لفظ جوڑ دیا گیا۔ مثلاً ’بی جے پی کے بارے میں جانیں‘ کی جگہ ’بیف کو جانیں‘ کر دیا گیا۔ ’بی جے پی کی تاریخ‘ کو بدل کر ’بیف کی تاریخ‘ کر دیا گیا۔
ہیکنگ کا یہ معاملہ اس وقت ہوا جب نریندر مودی حکومت کے وزراء نئی دہلی کے راشٹرپتی بھون میں عہدہ کا حلف لے رہے تھے۔ شروع میں تو یہ ویب سائٹ پوری طرح ہیک ہوئی اور پورے اسکرین پر بیف کی تصویر ڈالی گئی۔ حالانکہ بعد میں صفحہ اول ٹھیک کیا گیا۔ ویب سائٹ ہیک کرنے والوں نے اپنے بارے میں بھی ویب سائٹ پر لکھ کر بتایا۔ اس کے مطابق Shadow_V1P3R نے ویب سائٹ ہیک کیا۔
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: 31 May 2019, 10:10 AM