دہلی: اناج منڈی میں آگ لگنے کا خوفناک واقعہ، 43 افراد ہلاک

دہلی کے رانی جھانسی روڈ پر واقع اناج منڈی میں آگ لگنے کا خوفناک آگ کا واقع رونما ہونے کی واجہ سے 40 سے زائد افراد کی موت ہو گئی جس کے بعد علاوہ میں کہرام مچ گیا

تصویر سوشل میڈیا
تصویر سوشل میڈیا
user

قومی آوازبیورو

دہلی کے رانی جھانسی روڈ پر واقع اناج منڈی میں آگ لگنے کا خوفناک واقعہ رونما ہونے کی اطلاع ہے۔ اس واقعہ میں اب تک 43 افراد کے لاک ہونے کی تصدیک کی جا چکی ہے۔ جبکہ شدید طور پر جھلس جانے والے 15 افراد کی حالت نازک بتائی جا رہی ہے۔

آگ میں جھلس جانے والے افراد کو لوک نائک اسپتال میں داخل کرایا گیا ہے۔ بتایا جارہا ہے کہ بہت سے لوگ ابھی بھی پھنسے ہوئے ہیں۔ لوکناائک اسپتال کے ڈاکٹر کشور کمار نے کہا ہے کہ ان کی ٹیم زخمیوں کا علاج کر رہی ہے۔

فائر بریگیڈ کی تقریباً 25 گاڑیاں موقع پر پہنچی اور آگ بجھانے کی کوشش کی۔ دہلی فائر ڈیپارٹمنٹ کے سربراہ اتول گرگ نے بتایا ہے کہ ان کی ٹیم نے اب تک 50 سے زائد بحفاظت باہر نکالا ہے۔


آگ لگنے کی وجہ شارٹ سرکٹ بتائی جا رہی ہے۔ فی الحال فائر بریگیڈ نے آگ پر قابو پا لیا ہے اور علاقے میں راحت اور بچاؤ کا کام جاری ہے۔ وزیر اعلی اروند کیجریوال نے ٹویٹ کرکے اس حادثے پر غم کا اظہار کیا ہے۔ انہوں نے بتایا کہ وہ جائے حادثہ پر پہنچے والے ہیں۔

واقعے کے بعد زخمیوں کو اسپتال منتقل کر دیا گیا۔ اکیلے ایل این جے پی اسپتال میں ہی کل 49 افراد کو لایا گیا ہے جن میں سے 34 کی موت ہو گئی، جب کہ 15 افراد زیر علاج ہیں اور ان کی حالت تشویشناک بتائی جاتی ہے۔ معلومات کے مطابق، بہت سے لوگ 50 فیصد سے زیادہ جل چکے ہیں۔ اس کے علاوہ، زخمیوں کو 4 مختلف اسپتالوں میں داخل کرایا گیا ہے، جن میں آر ایم ایل، ایل این جے پی، ہندو راؤ اور صفدرجنگ اسپتال شامل ہیں۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔