بحیرہ عرب سے اُٹھے طوفان ’مہا‘ کے گجرات کے ساحل سے ٹکرانے کا خدشہ

محکمہ موسمیات کے ڈائرکٹر نے بتایا کہ فی الحال گجرات کے بیروال ساحل سے 640 کلومیٹر جنوب میں موجود ’مہا‘ 6 نومبر کی صبح سے اپنی سمت بدل کر گجرات کی ساحل کی جانب بڑھ سکتا ہے اور یہ ساحل سے ٹکراسکتا ہے

تصویر سوشل میڈیا
تصویر سوشل میڈیا
user

یو این آئی

احمدآباد: بحیرہ عرب میں اٹھا گردابی طوفان ’مہا‘ 6 نومبر کے بعد گجرات کے ساحل سے ٹکراسکتا ہے۔ ہندوستانی محکمہ موسمیات مرکز کے مقامی ڈائرکٹر جینت سرکار نے بتایا کہ فی الحال گجرات کے بیروال ساحل سے 640 کلومیٹر جنوب میں موجود ’مہا‘ 6 نومبر کی صبح سے اپنی سمت بدل کر گجرات کی ساحل کی جانب بڑھ سکتا ہے اور یہ ساحل سے ٹکراسکتا ہے۔

اس دوران ہوا کی رفتار 60 سے 70 کلومیٹر فی گھنٹہ ہوسکتی ہے اوراس کے اثر سے تیز گردابی بارش ہوسکتی ہے۔ ایسا ہی جنوبی گجرات اور سوراشٹر کے ساحلی علاقوں میں بھی ہوسکتا ہے۔


سرکار نے یو این آئی کو بتایا کہ ابھی 2 اور دن اس پر نگرانی کے بعد تصویر اور زیادہ صاف ہوسکے گی اور تب یقین کے ساتھ یہ بتایا جاسکے گا یہ گجرات کی ساحل سے ٹکرائے گا یا نہیں۔

انہوں نے کہا کہ بحیرہ عرب میں ہی اٹھا دوسرا طوفان ’کیار‘ اب پوری طرح کمزورہوکر کم دباؤ کے علاقے میں تبدیل ہوگیا ہے ۔ اب اس سے کوئی خطرہ نہیں ہے۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔