خام تیل کی قیمتوں میں نرمی، دہلی میں پٹرول-ڈیزل کی قیمتیں مستحکم

عالمی بازار میں تیل کی قیمتوں میں نرمی کے باوجود آئل مارکیٹنگ سرکاری کمپنیوں نے آج پٹرول -ڈیزل کی قیمتوں میں کوئی کمی نہیں کی ہے

پٹرول-ڈیزل، تصویر آئی اے این ایس
پٹرول-ڈیزل، تصویر آئی اے این ایس
user

یو این آئی

نئی دہلی: عالمی بازار میں تیل کی قیمتوں میں نرمی کے باوجود آئل مارکیٹنگ سرکاری کمپنیوں نے آج پٹرول -ڈیزل کی قیمتوں میں کوئی کمی نہیں کی ہے۔ دیوالی کے موقع پر مرکزی حکومت نے پٹرول -ڈیزل پر ایکسائز ڈیوٹی میں بالترتیب 5 روپے اور 10 روپے فی لیٹر کی کم کی، جس سے ملک میں ان کی قیمتیں کم ہو گئیں۔ اس کے بعد، اتر پردیش، کرناٹک سمیت ملک کی 15 ریاستوں اور دو مرکز کے زیر انتظام علاقوں نے ان دونوں مصنوعات پر وَیٹ وی اے ٹی) کم کر دیا ہے۔

اس کی وجہ سے متعلقہ ریاستوں میں ان دونوں کی قیمتیں مزید نیچے آگئی ہیں۔ تاہم دہلی حکومت کی جانب سے وَیٹ میں کمی نہ کرنے کی وجہ سے دہلی میں اس کی قیمت کل کی سطح پر مستحکم ہے۔ دہلی میں کل پٹرول 6.07 روپے فی لیٹر اور ڈیزل 11.75 روپے سستا ہوا ہے۔ اس تخفیف کے بعد قومی راجدھانی میں پٹرول 103.97 روپے فی لیٹر اور ڈیزل 86.67 روپے فی لیٹر پر آ گیا ہے۔

اتر پردیش حکومت کی طرف سے وَیٹ میں کمی کی وجہ سے دہلی این سی آر کے نوئیڈا میں پٹرول 5.91 روپے سستا ہو کر 95.51 روپے فی لیٹر اور ڈیزل 30 پیسے سستا ہو کر 87.01 روپے فی لیٹر ہو گیا ہے۔


اب تک بھوپال میں پٹرول اور ڈیزل سب سے مہنگا فروخت ہو رہا تھا لیکن ریاستی حکومت کی جانب سے ویٹ میں تخفیف کے بعد ممبئی میں پٹرول 109.98 روپے فی لیٹر اور ڈیزل 94.14 روپے فی لیٹر سب سے مہنگا ہے۔ مدھیہ پردیش کی راجدھانی بھوپال میں پٹرول 107.56 روپے فی لیٹر اور ڈیزل 90.87 روپے فی لیٹر پر آ گیا ہے۔

پٹنہ میں پٹرول 105.92 روپے اور ڈیزل 91.09 روپے فی لیٹر، بنگلور میں پٹرول 100.58 روپے اور ڈیزل 85.01 روپے فی لیٹر پر پہنچ گیا ہے۔ کولکاتا میں پٹرول 104.67 روپے فی لیٹر اور ڈیزل 89.79 روپے فی لیٹر مقرر کیا گیا ہے۔ ملک کے تمام بڑے شہروں میں پٹرول کی قیمت تقریباً 100 روپے اور ڈیزل بھی بیشتر شہروں میں 90 روپے ہے۔

عالمی بازار میں خام تیل کی قیمت آج اضافے کے ساتھ کھلی۔ جمعہ کو سنگاپور میں خام تیل کی تجارت میں اضافے کے ساتھ آغاز ہوا ہے۔ برینٹ کروڈ 0.97 فیصد اضافے کے ساتھ 81.32 ڈالر فی بیرل اور یو ایس کروڈ 1.10 فیصد اضافے کے ساتھ 79.68 ڈالر فی بیرل پر ہے۔

پٹرول اور ڈیزل کی قیمتوں کا روزانہ جائزہ لیا جاتا ہے اور اسی بنیاد پر ہر دن صبح 6 بجے سے نئی قیمتوں کا نفاذ کیا جاتا ہے۔

شہر کا نام ——— پٹرول (روپے/لیٹر) ——— (ڈیزل روپے/لیٹر)

دہلی ————— 103.97 ————— 86.67

ممبئی ————— 109.98 ————— 94.14

چنئی ————— 101.40 ————— 91.43

کولکاتا ————— 104.67 ————— 89.79

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔