ہندوستان میں کورونا وائرس کے کیسز میں ایک مرتبہ پھر اضافہ، 5 ریاستوں میں خطرہ زیادہ

ملک میں گزشتہ روز کورونا کے 3962 جبکہ آج 4270 نئے کیسز درج کئے گئے، اس سے قبل جمعہ کے روز بھی 4 ہزار سے زیادہ کیسز درج کیے گئے تھے، ان میں سے آدھے کیسز کیرالہ سے وابستہ ہیں

کورونا وائرس، تصویر آئی اے این ایس
کورونا وائرس، تصویر آئی اے این ایس
user

قومی آوازبیورو

نئی دہلی: ہندوستان میں کورونا وائرس کے معاملوں میں ایک مرتبہ پھر تیزی نظر آ رہی ہے۔ ملک بھر آج پھر 4 ہزار سے زیادہ کیسز دردج کئے گئے ہیں۔ اس سے پہلے جمعہ کے روز بھی نئے کیسز کی تعداد 4 ہزار سے زیادہ تھی جبکہ گزشتہ چار ہزار سے کچھ کم 3962 کیسز درج کئے گئے، جن میں سے نصف کا تعلق کیرالہ سے ہے۔

رپورٹ کے مطابق کیرالہ کے علاوہ مہاراشٹر، تمل ناڈو، تلنگانہ اور کرناٹک میں بھی کورونا کے معاملوں میں تیزی نظر آ رہی ہے۔ کورونا کے خطرے کے پیش نظر مرکزی حکومت نے ریاستوں کو مکتوب ارسال کرتے ہوئے فوری اور موثر انتظام کے لئے ضروری اقدام اٹھانے کی صلاح دی ہے۔


مرکزی وزارت صحت کے مطابق گزشتہ 24 گھنٹوں کے دوران ہندوستان میں کورونا وائرس کے 4270 نئے کیسز درج کئے گئے، جبکہ 15 افراد کی جان چلی گئی۔ اس دوران 2619 مریضوں نے شفایابی حاصل کر لی۔ دریں اثنا، ملک بھر میں کورونا کے فعال کیسز کی تعداد 24052 ہو گئی ہے۔

ہندوستان میں گزشتہ 3 مہینوں میں کورونا کیسز کی تعداد میں مسلسل اور نمایاں کمی دیکھنے میں آئی تھی، تاہم گزشتہ ایک ہفتے سے کیسز میں اضافہ ہو رہا ہے۔ 27 مئی کو ختم ہونے والے ہفتہ میں فعال کیسز کی تعداد 15708 رہ گئی تھی جبکہ 3 جون 2022 کو ختم ہونے والے ہفتہ میں یہ تعداد بڑھ کر 21055 تک پہنچ گئی۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔