دہلی میں کورونا وائرس کے 19832 نئے متاثرین، 341 اموات

دہلی میں 24 گھنٹے کے دوران 19832 نئے متاثرین کی رپورٹ کے بعد متاثرہ افراد کی تعداد بڑھ کر 1292867 ہوگئی ہے ۔

علامتی تصویر
علامتی تصویر
user

یو این آئی

قومی دارالحکومت میں گزشتہ 24 گھنٹے کے دوران کورونا وائرس کے 19800 سے زیادہ نئے متاثرین رپورٹ ہوئے اور مزید 341 مریضوں کی موت ہوگئی جبکہ زير علاج مریضوں کی تعداد 406 بڑھ کر 91000 تک پہنچ گئی۔

دہلی میں جمعہ کے روز زیر علاج مریضوں کی تعداد میں 406 کے اضافے سے ان کی تعداد 91035 ہوگئی ہے۔ دارالحکومت میں نئے مریضوں کے مقابلے میں صحت یاب ہونے والے افراد کی تعداد میں کمی آنے سے یہ اضافہ درج کیا گیا ہے۔

دہلی کے محکمہ صحت کی طرف سے آج جاری ہونے والی بلیٹن کے مطابق اس عرصے کے دوران 19832 نئے متاثرین کی رپورٹ کے بعد متاثرہ افراد کی تعداد بڑھ کر 1292867 ہوگئی ہے ، جبکہ کورونا سے شفایاب افراد کی تعداد 1183093 ہوگئی ہے ۔

اس عرصے کے دوران 341 مریضوں کی موت ہونے سے مرنے والوں کی تعداد 18739 تک پہنچ گئی۔ دارالحکومت میں اموات کی شرح صرف 1.45 فیصد ہے۔ اموات کے معاملے میں دہلی ملک میں چوتھے نمبر پر ہے۔

گزشتہ 24 گھنٹے کے دوران دارالحکومت میں 79593 نمونوں کی جانچ کی گئی۔ اس کے ساتھ، اب تک کی جانے والی جانچوں کی تعداد 3.66 کروڑ کو عبور کر چکی ہے۔ ہر 10 لاکھ آبادی میں اوسطا ٹیسٹ 809739 ہے۔

دریں اثناء، دارالحکومت میں ممنوعہ علاقوں کی تعداد بڑھ کر 50785 ہوگئی ہے۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔