دہلی میں کل کورونا کے 76 نئے معاملہ سامنے آئے، ایک کی موت

دارالحکومت دہلی میں انفیکشن کی شرح کم ہوکر 0.09 فیصد رہ گئی ہے جبکہ ایکٹو کیسز کی تعداد 792 ہوگئی ہے ۔

فائل تصویر یو این آئی
فائل تصویر یو این آئی
user

یو این آئی

اچھی خبر یہ ہے کہ دہلی میں کورونا کے معاملوں میں مستقل کمی آ رہی ہے اور گزشتہ 24 گھنٹوں کے دوران قومی دارالحکومت میں کورونا کیسزکی تعداد کم ہو کر 792 رہ گئی ہے۔

دارالحکومت میں کورونا وائرس (کووڈ ۔19) وبا کے 76 نئے کیسز سامنے آنے کے بعد متاثرہ افراد کی تعداد بڑھ کر 14،35،030 پہنچ گئی ہے ، اس دوران مزید 81 مریضوں نے اس وبا کو شکست دی۔


محکمہ صحت کی طرف سے آج جاری بلیٹن کے مطابق دارالحکومت دہلی میں انفیکشن کی شرح کم ہوکر 0.09 فیصد رہ گئی ہے جبکہ ایکٹو کیسز کی تعداد 792 ہوگئی ہے ۔ اس دوران مزید 81 مریضوں کے صحتیاب ہونے سے کورونا کو شکست دینے والوں کی کل تعداد بڑھ کر 14،09،226 ہوگئی ہے ۔

دہلی میں گزشتہ 24 گھنٹوں کے دوران کورونا انفیکشن کی وجہ سے صرف ایک مریض کی موت ہوئی ہے اور اب مرنے والوں کی تعداد بڑھ کر 25،012 ہوگئی ہے۔ دارالحکومت میں شرح اموات 1.74 فیصد پر مستحکم ہے ۔ مرنے والوں کے معاملے میں چوتھے نمبر پر ہے۔ دہلی میں گذشتہ 24 گھنٹوں کے دوران 81،451 نمونوں کی جانچ کی گئی ، جس میں آر ٹی پی سی کے 56،212 نمونے اور ریپڈ اینٹیجن نمونوں کی تعداد 25،239 ہے ۔


دارالحکومت میں گذشتہ 24 گھنٹوں کے دوران 1،31،207 افراد کو کورونا کے ٹیکے لگائے گئے ہیں ، جن میں سے کورونا کی خوراک لینے والوں کی تعداد 93،377 اور دوسری خواراک لینے کی تعداد 38،830 رہی ۔ دارالحکومت میں ہوم آئیسولیشن میں رہنے والوں کی تعداد اب صرف 256 ہے۔ اب دارالحکومت میں کورونا ممنوعہ علاقوں کی تعداد 586 ہوگئی ہے۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔