اپنی مدت کار پوری نہیں کر پائے گی نتیش سرکار : پریم چندر مشرا

بہار میں مسٹر نتیش کمار کی قیادت والی قومی جمہوری اتحاد ( این ڈی اے ) حکومت کی دو حلیف بھارتیہ جنتا پارٹی ( بی جے پی ) اور جنتادل یونائٹیڈ (جے ڈی یو) میں چل رہی تلخیوں سے صاف ظاہر ہے کہ یہ اتحاد زیادہ دن نہیں چل پائے گا۔

بی جے پی اور جے ڈی یو دونوں کے اعلیٰ قیادت کی جانب سے مسلسل کئی مواقع پر ایک دوسرے کے خلاف ہورہی تیکھی بیان بازی ان کے رشتوں میں آئی دراڑ کو ظاہر کر رہاہے ۔

ایسے میں کانگریس کے سنیئر لیڈر اور کونسل کے رکن پریم چندر مشرا نے اتوار کو کہاکہ بی جے پی اور جے ڈی یو دونوں میں اچھے تعلقات نہیں ہیں۔ اس کا اثر کام پر بھی دیکھنے کو مل رہاہے ۔

کانگریس لیڈر نے کہاکہ بی جے پی کی جانب سے مسلسل وزیراعلیٰ نتیش کمار کی عوامی طور پر تنقید کی جارہی ہے ۔ ایسے میں آنے والے دنوں میں بہار میں نئے سیاسی اتحاد بننے کے امکانات سے انکار نہیں کیا جاسکتاہے ۔ انہوں نے کہاکہ اپوزیشن جماعتوں کے پاس عددی قوت بھی ہے ۔ اپوزیشن جماعتون کے اراکین اگر ایک ساتھ آتے ہیں تو ریاست میں نئی حکومت کے امکانات بنتے ہیں۔

مسٹر مشرا نے دعویٰ کیاکہ نتیش حکومت اپنی مدت کار پوری نہیں کر پائے گی ، اس کے واضح اشارات ابھی سے مل رہے ہیں۔ انہوں نے کہاکہ اگر اپوزیشن متحد ہوگیا تو کسی دن بھی این ڈی اے کی حکومت گر جائے گی اور کم ازکم مشترکہ پروگرام کی بنیاد پر اپوزیشن کی حکومت بھی بن جائے گی۔