کووڈ۔19: کانگریس لیڈر دیپک سنگھ نے اپنی پوری نتخواہ وقف کی
اس وقت کورونا وائرس سے اترپردیش نبردآزما ہے اور پورے ملک میں لاک ڈاؤن بھی ہے اسے ہر کسی کو قبول کرنا چاہے۔
کورونا وائرس کے بڑھتے خطرات سے نپٹنے کے لئے احتیاطی طور پر لاک ڈاؤن کے اقدام کے دوران کانگریس کے ایم ایل سی دیپک سنگھ نےکووڈ۔19 کے اختتام تک اپنی پوری تنخواہ اسی مد میں وقف کرنے کے لئے قانون ساز کونسل کے پرنسپل سکریٹری کو خط لکھا ہے۔
قانون ساز کونسل کے پرنسپل سکریٹری کے نام اپنے خط میں ایم ایل سی نے لکھا ہے کہ اس وقت کورونا وائرس سے اترپردیش نبردآزما ہے اور پورے ملک میں لاک ڈاؤن بھی ہے اسے ہر کسی کو قبول کرنا چاہے۔
انہوں نے مزید لکھا ہے کہ اس ضمن میں وہ اپنی پوری تنخواہ وزیر اعلی راحت فنڈ یا کونسل چئیرمین کے فنڈ میں وقف کرتے ہیں تاکہ طبی ملازمین،غریبوں،مزدوروں، کسانوں اور ضروت مندوں کی کچھ مدد ہوسکے۔
کانگریس لیڈر نےکہا کہ انہوں نے اپنے ایم ایل سی فنڈ سے 10لاکھ روپئے جاری کئے ہیں جبکہ اپنے ذاتی خرچ سے 2لاکھ روپئے کی مالیت کے صابن غریبوں میں تقسیم کرا رہے ہیں۔قابل ذکر ہے کہ کانگریس جنرل سکریٹری و مشرقی اترپردیش کی انچارج پرینکا گاندھی نے دو دن قابل پارٹی کارکنوں اور لیڈروں کے نام خط لکھ کرزیادہ سے زیادہ مدد کی اپیل کی تھی۔
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔