تلنگانہ میں کانگریس برسراقتدارآئے گی: ناگیشورراو

دوسری جانب تیلگودیشم پارٹی کے صدر چندر باابو نے کہا ہے کہ ان کی پارٹی تلنگانہ اسمبلی انتخابات میں حصہ نہیں لے گی کیونکہ ان کی توجہ آندھرا پر ضروری ہے۔

<div class="paragraphs"><p>فائل علامتی تصویر آئی اے این ایس</p></div>

فائل علامتی تصویر آئی اے این ایس

user

قومی آوازبیورو

تلنگا نہ میں کانگریس کی جیت کے امکانات روشن ہوتے جا رہے ہیں جس کی وجہ سے وہاں کے کانگریسی رہنماؤں کا اعتماد بڑھ رہا ہے۔ اب تلنگانہ کانگریس لیڈر و سابق ریاستی وزیرٹی ناگیشور راؤ نے کہا کہ ریاست میں کانگریس کے برسراقتدارآنے پر ضلع کھمم کی ترقی کو یقینی بنایاجائے گا۔انہوں نے اس یقین کا اظہار کیا کہ ریاست میں اس مرتبہ کانگریس حکومت بنائے گی۔ناگیشورراو نے ضلع کھمم میں انتخابی مہم میں تیزی پیداکردی ہے۔انہوں نے کانگریس کی اعلی قیادت کی جانب سے ریاست کے عوام کے لئے کئے گئے 6اعلانات کی تفصیلات سے بھی عوام کو واقف کروارہے ہیں۔

دوسری جانب تیلگودیشم پارٹی نے تلنگانہ اسمبلی انتخابات میں حصہ نہ لینے کا فیصلہ کیا ہے۔ پارٹی سربراہ چندرا بابو نے یہ فیصلہ کیا۔ تلنگانہ تیلگودیشم پارٹی کے صدر کاسانی گیانیشورنے ان سے راجہ مہیندراورم جیل میں ملاقات کی۔


اس ملاقات کے موقع پر چندرا بابو  نے کہا کہ  آندھرا پردیش  کی موجودہ صورتحال میں وہ تلنگانہ پر توجہ نہیں دے سکتے۔ انہوں نے گیانیشورکو مشورہ دیا کہ وہ تلنگانہ لیڈروں کو بتائیں کہ ان حالات میں انہیں انتخابات کا سامنا نہیں کرنا چاہئے۔ پارٹی کے سینئر لیڈران تلنگانہ کے پارٹی لیڈران کو چندرا بابو کے فیصلہ کی تفصیلات سے واقف کروارہے ہیں۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔


;