اسکول کی دیوار گرنے کی اعلیٰ سطحی جانچ ہونی چاہیے: ڈاکٹر نریش

دہلی میں تیز بارشوں کے سبب سری نواس پوری  میں ایک اسکول کی دیوار گر گئی ۔کانگریس کے سینئر ترجمان ڈاکٹر نریش کمار نے لیفٹیننٹ گورنر کو میمورنڈم سونپتے ہوئے دہلی کے وزیر تعلیم آتشی کے اسمبلی حلقہ سری نواسپوری میں اسکول کی دیوار گرنے کی اعلیٰ سطحی تحقیقات کا مطالبہ کیا ہے۔

ڈاکٹر نریش نے الزام لگایا کہ دہلی کے وزیر اعلیٰ کیجریوال اتنے بڑے دھوکہ باز ہیں کہ وہ پورے ملک میں دہلی کے اسکولوں کے بارے میں شور مچاتے ہیں، لیکن سچائی سب کے سامنے ہے کہ صرف 4 ماہ قبل بنائے گئے اسکول کی دیوار گر گئی ہے۔ ان کا یہ بھی کہنا تھا کہ اتوار اور اسکول کی چھٹی کے باعث بڑا حادثہ ٹل گیا، ورنہ کتنے بچے ہلاک ہوتے یہ کہنا مشکل ہے۔

ڈاکٹر نریش کمار نے یہ سوال بھی اٹھایا کہ یہ اسمبلی حلقہ وزیر تعلیم آتشی کا ہے اور یہاں کا اسکول ان کے مطابق تعمیر کیا گیا ہے، ایسے میں کس نے کتنا کمیشن کھایا، اس کی بھی جانچ ہونی چاہیے کیونکہ اسکول کا معیار ناقص ہے۔ تجربے کی وجہ سے سکول کی دیوار پہلی بارش میں ہی گر گئی۔ میمورنڈم میں اس معاملے کی اعلیٰ سطحی انکوائری کرواتے ہوئے قصورواروں کے خلاف کارروائی کا بھی مطالبہ کیا ہے۔