اناہزارے مہنگائی کے خلاف تحریک شروع کریں:پٹولے

شہریوں سے جمع کئے گئے ٹیکسوں اوررقم کااستعمال پہلے ترقیاتی منصوبوں کے لئے کیا جاتا تھا، لیکن اب اسے مٹھی بھر امیروں کودیاجارہا ہے۔

فائل علامتی تصویر آئی اے این ایس
فائل علامتی تصویر آئی اے این ایس
user

یو این آئی

مہاراشٹر کانگریس کے صدر نانا پٹولے نے سماجی کارکن اناہزارے سے مہنگائی اور ایندھن کی قیمتوں میں اضافہ کے تعلق سے مرکز کے خلاف تحریک شروع کرنے کی اپیل کی ہے۔

مسٹرپٹولے نے ایک بیان میں کہا کہ ملک کاعام آدمی چاہتا ہے کہ مسٹراناہزارے مہنگائی کے خلاف تحریک کی قیادت کریں اورانہیں ایک بار پھرویسی بھوک ہڑتال کرنی چاہیے جیسی انہوں نے لوک آیکت کے مدے پر رام لیلامیدان میں کی تھی۔ انہوں نے کہاکہ ‘‘ایک عام آدمی کے طورپر میری بھی خواہش ہے کہ اناہزارے بھوک ہڑتال کریں۔


انہوں نے کہا کہ کسانوں اور ملک کے شہریوں کی محنت کی کمائی وجئے مالیا اورنیرومودی جیسے لوگوں کوجارہی ہے۔ مرکز کی غلط پالیسیوں کے سبب شہریوں کازندگی گزارنا مشکل ہوگیا ہے۔

کانگریس لیڈرنے کہا کہ بھارتیہ جنتاپارٹی کے گناہوں کاگھڑابھرگیا ہے اوراب ملک کے شہری اسے منھ توڑجواب دینے کے لئے بے چین ہیں ۔ انہوں نے کہا، ’’کانگریس کی حکومت میں شہریوں کوسرمایہ کاری پر ریٹرن ملتاتھا اوراب بینک کے ساتھ ہرلین دین کے لئے انہیں کچھ رقم دینی پڑتی ہے۔


انہوں نے الزام عائد کیا کہ شہریوں سے جمع کئے گئے ٹیکسوں اوررقم کااستعمال پہلے ترقیاتی منصوبوں کے لئے کیا جاتا تھا، لیکن اب اسے مٹھی بھر امیروں کودیاجارہا ہے۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔