کولیجیم کی جسٹس قریشی کو تریپورہ کا چیف جسٹس مقرر کرنے کی سفارش

سپریم کورٹ کالجیم نے مرکزی حکومت کو گجرات ہائی کورٹ کے جسٹس عقیل عبدالحمید قریشی کو تر یپورہ ہائی کورٹ کا اگلا چیف جسٹس مقرر کرنے کی سفارش کی ہے۔

تصویر سوشل میڈیا
تصویر سوشل میڈیا
user

یو این آئی

اگرتلہ: سپریم کورٹ کالجیم نے مرکزی حکومت کو گجرات ہائی کورٹ کے جسٹس عقیل عبدالحمید قریشی کو تر یپورہ ہائی کورٹ کا اگلا چیف جسٹس مقرر کرنے کی سفارش کی ہے۔

سرکاری ذرائع نے یہ اطلاع دی۔ سرکاری ذرائع نے کہا کہ عدالت عظمیٰ کولیجیم کی ایک دیگر سفارش کے تحت تر یپورہ ہائی کورٹ کے موجودہ چیف جسٹس چیف سنجے کرول کو بطورچیف جسٹس جھارکھنڈٹرانسفر کیا گیا تھا ،جس کے بعدکافی عرصہ سے یہ عہدہ خالی پڑ ا تھا۔


سپریم کورٹ کے چیف جسٹس اور جسٹس ایس بوبڈے اورجسٹس این وی رمن پر مشتمل کولیجیم نے حکومت سے جسٹس قریشی کو مدھیہ پرد یش ہائی کورٹ کا چیف جسٹس مقر رکرنے سفارش کی تھی جوکہ گجرات ہائی کورٹ کے سب سے سینئر جج ہیں۔ سرکاری ذرائع نے سپریم کورٹ کولیجیم کے سفارش کے حوالے سے کہاکہ حکومت کو بھیجی گئی سفارش کے دو مکتوبات اور دیگر مواد کے ساتھ چیف جسٹس آف انڈیا کو واپس بھیج دیے گئے تھے۔

ان مکتوب پر کو لیجیم نے نظر ثانی کرنے کرکے 10 مئی کو دوبارہ سفارش کی کہ جسٹس قریشی کو تریپورہ ہائی کورٹ کا چیف جسٹس مقرر کیا جائے۔ جسٹس قریشی تریپورہ ہائی کورٹ کے پانچواں چیف جسٹس ہوں گے۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔