صفائی سروے میں چھتیس گڑھ ملک میں سر فہرست

نئی دہلی: گزشتہ دو برسوں کی طرح چھتیس گڑھ اس سا ل بھی ملک میں صفائی کے سروے میں سرفہرست ہے۔ صدررام ناتھ کووند 20 نومبر کو چھتیس گڑھ حکومت کو ’سوچھتا پرسکار‘ پیش کریں گے۔

مرکزی وزیر ہردیپ سنگھ پوری نے چھتیس گڑھ کے وزیر اعلی بھوپیش بگھیل اور وزیر ڈاکٹر شیوکمار ڈاہریا کو ایوارڈ حاصل کرنے کے لیے دہلی مدعو کیا ہے۔ اس موقع پر ریاست کے 61 اربن باڈیز کو بھی انعام دیا جائے گا۔ ایوارڈ سے سرفراز کئے جانے والے بلدیات کی تعداد کے لحاظ سے چھتیس گڑھ کے بلدیات کی تعداد سب سے زیادہ ہے۔

قابل ذکر ہے کہ مرکزی حکومت کی طرف سے منعقد کیا جانے والا یہ صفائی سروے دنیا کا سب سے بڑا صفائی مقابلہ ہے۔ چھتیس گڑھ سال 2019 اور 2020 میں بھی صفائی سروے میں سب سے آگے رہا تھا۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔