چھٹھ تہوار: مسلم خواتین نے گھاٹوں پر کی صفائی، پیش کیا ہندو-مسلم اتحاد کا نمونہ

پٹنہ سٹی کے خواجہ کلاں واقع آدرش گھاٹ پر درجنوں کی تعداد میں مسلم خواتین گنگا کنارے جھاڑو اور بیلچا لے کر گھاٹ کی صفائی کرتی ہوئی نظر آئیں۔

تصویر بشکریہ ’پرو کیرالہ ڈاٹ کام‘
تصویر بشکریہ ’پرو کیرالہ ڈاٹ کام‘
user

تنویر

ایک طرف جہاں ملک میں کئی مقامات پر فرقہ وارانہ ہم آہنگی کو نقصان پہنچانے کی کوششیں ہو رہی ہیں، وہیں ہندو-مسلم اتحاد کو مضبوط کرنے والی خبریں بھی منظر عام پر آتی رہی ہیں۔ کچھ ایسی ہی خبر بہار کی راجدھانی پٹنہ سے سامنے آ رہی ہے جہاں کچھ مسلم خواتین نے چھٹھ تہوار کے موقع پر گھاٹوں کی صفائی کی اور ظاہر کیا کہ وہ ہندوؤں کے ساتھ کس طرح اس تہوار میں شریک ہیں۔

میڈیا ذرائع سے موصول ہو رہی خبروں کے مطابق پٹنہ سٹی کے خواجہ کلاں واقع آدرش گھاٹ پر درجنوں کی تعداد میں مسلم خواتین گنگا کنارے گھاٹ کی صفائی کرتی ہوئی نظر آئیں۔ سابق وارڈ کونسلر ممتاز جہاں کی قیادت میں یہ خواتین ہاتھوں میں جھاڑو اور بیلچا لیے ہوئی تھیں چاروں طرف پھیلی گندگی کو اس طرح صاف کر رہی تھیں، جس یقیناً فرقہ پرست ذہنیت رکھنے والے لوگوں کے دل کا میل بھی صاف ہو گیا ہوگا۔


ہندو-مسلم اتحاد کی بہترین مثال پیش کرنے والی ان خواتین کے تعلق سے ممتاز جہاں نے کہا کہ یہ سبھی چاہتی ہیں کہ چھٹھ کے موقع پر گھاٹ کنارے کسی کو دقت کا سامنا نہ کرنا پڑے۔ انھوں نے یہ بھی بتایا کہ مسلم خواتین کا ایک گروپ گزشتہ 18 سالوں سے چھٹھ پوجا کے موقع پر صفائی مہم چلاتا آ رہا ہے جو ہندوستانی تہذیب کا ایک بہترین نمونہ ہے۔

ممتاز جہاں کا کہنا ہے کہ سماج میں کچھ لوگ ذات اور فرقہ کے نام پر بدامنی پھیلانے کی کوشش میں لگے رہتے ہیں، لیکن ان کی یہ کوشش کبھی کامیاب نہیں ہوگی۔ انھوں نے کہا کہ چھٹھ تہوار آپسی محبت اور بھائی چارہ کا تہوار ہے، اس لیے سبھی مل جل کر اس تہوار کو منائیں، اسی میں اچھائی ہے۔


واضح رہے کہ چار دنوں تک چلنے والا تہوار چھٹھ اس سال 18 سے 21 نومبر تک چلے گا اور آج اس کی شرعات ہو گئی ہے۔ بہار میں چھٹھ خصوصی طور پر بہت دھوم دھام کے ساتھ منایا جاتا ہے۔ اس دوران پٹنہ میں گنگا ندی کے کنارے عقیدتمندوں کا ایک سیلاب امنڈ پڑتا ہے۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔


;